Einstakt tækifæri til að styrkja okkar málstað.

Atkvæðagreiðaslan á laugardaginn er einstakt tækfæri fyrir okkur til að sýna samstöðu með því að segja NEI við þvingunarkröfum Breta og Hollendinga.

Erlendir fjölmiðlar fylgjast náið með atkvæðagreiðslunni og það vekur verulega athygli í mörgum löndum að almenningur á Íslandi skuli fá að ráða í svo mikilvægu máli.

það skiptir gífurlega miklu máli að þátttaka verði góð í kosningunum og niðurstaðan verði afgerandi.

Kjósendur mega ekki láta Steingrím J. og Jóhönnu villa sér sýn. Þau skötuhjú vildu vera búin að semja og fórna hagsmunum Íslands fyrir löngu. Það hefur nú rækilega sýnt sig að þau gættu ekki nægjanlega vel hagsmuna okkar í þessu hrikalega stóra máli.

Vinstri stjórnin hefur gjörsamlega vanrækt að stappa stálinu nú í Íslendinga og hvetja til einarðar samstöðu um að láta Breta og Hollendinga ekki kúga okkur.

Það hefur verið sorglegt að fylgjast með undirlægjuhætti þeirra Jóhönnu og Steingríms J.

Á laugardaginn fá íslendingar einstakt tækifæri til að sýna samstöðu með því að segja NEI.

Tryggjum góða kjörsókn, sem vekja mun athygli víða á erlendri grundu.

Mikill áhugi erlendra miðla