Verðum við vitni að mestu kosningasvikaloforðum sögunnar?

Vel má vera að við verðum vitni að mestu kosningasvikaloforðum sögunnar á næstu dögum. Það eru miklar líkur til þess að stærsti hluti þingflokks Vinstri grænna ætli að greiða atkvæði með því að sótt verði um aðildaviðræður við ESB. Guðfríður Lilja,þingfokksformaður VG,segir það ákveðna viljayfirlýsingu um að vilja ganga í ESB með því að óska eftir viðræðum.

Vinstri grænir  hafa lýst því yfir að þeir væru mótfallnir inngöngu í ESB. Þeir hafa einnig verið fylgjandi því að þjóðin ætti að fá að greiða atkvæði um það hvort fara ætti i aðildaviðræður eða ekki.

Nú segir Steingrímur J. formaður Vinstri grænna að hann muni greiða atkvæði gegn því að þjóðin fái að greiða atkvæði hvort fara eigi í viðræður.

Margir kusu örugglega Vinstri græna í þeirri trú að flokkurinn myndi standa vörð um það að vera á móti aðildaviðræðum við ESB. Vinstri grænir gáfu það líka út fyrir kosningar að það væri þeirra stefna.

Það hlýtur því að verða ömurlegt fyrir marga stuðningsmenn Vinstri grænna verði það niðurstaðan að mikill meirihluti þingflokksins samþykki að óska eftir viðræðum við ESB .Ætla Vinstri grænir virkilega að fela Össuri og öðrum Samfylkingarmönnum að annast samningaviðræður við ESB. Ömurlegra hlutskipti er varla hægt að hugsa sér hjá VG miðað við það sem þeir hafa áður sagt um ESB.

Svo hefur það verið upplýst að einn af þingmönnum VG ætlaði að vera meðflutningsmaður að tillögu um að þjóðin fengi fyrst að kjósa um aðildaviðræður. Hvað gerðist þá? Þingmanninum unga var sagt að slíkt framferði myndi kosta stjórnarslit. Var einhver að tala um að fólk ætti að fara eftir sinni sannfæringu?

Samþykki Alþingi með stuðningi Vinstri grænna að óska eftir aðildaviðræðum við ESB eru það stærstu kosningasvik sögunnar. Lesið bara það sem þeir sögðu fyrir kosningar og hafa sagt síðustu árin varðandi aðild að ESB.

Erfitt mál fyrir VG

Athugasemdir

[Gunna Sigga (IP-tala skráð) 10.7.2009 kl. 21:57]

Heil og sæl þið mætu hjón!skrifunum als óskylt,til lukku með daginn.Kveðja úr sveitinni Gunna og Leó

[Sigurður Jónsson, 10.7.2009 kl. 23:13]

Gunna Sigga og Leó.

 Takk fyrir kveðjuna. Okkar bestu kveðjur úr Garðinum.

[Eysteinn Þór Kristinsson, 11.7.2009 kl. 11:57]

Sæll.

Af hverju svik? Eftirfarandi var samþykkt á landsfundi VG:

,,Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins. Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild Íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrárbreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.”

Þetta er úr landsfundarályktun þeirra fyrir kosningar, og ekki hægt að saka þingmenn flokksins um ósamkvæmni þótt þeir sætti sig við umsókn sem Samfylkingin, Borgaraflokkur og Framsóknarflokkur styðja — eða studdu a.m.k. fyrir kosningar (33 þingmenn af 63).

[zappa (IP-tala skráð) 11.7.2009 kl. 13:27]

allavega ætla þeir að svíkja kjósendur sem kusu þá vegna loforða um innköllun kvótans...