Jóhanna vill að þjóðin fái að kjósa um hótelbyggingu á Þingvöllum en þjóðin má alls ekki kjósa um aðildaviðræður við ESB eða Icesave.

Það verður spennandi að sjá hvort meirihluti Alþingis fellir það að þjóðin fái að kjósa um það hvort fara eigi í aðildaviðræður við ESB. Ætlar virkilega meirihluti þingmanna Vinstri grænna að hafna þeirri leið,sem þeir sjálfir boðuiðu fyrir kosningar. Það verður fróðlegt að sjá.

Jóhanna Sigurðardóttir,forsætisráðherra og formaður Samfylkingarinnar,talar um að það komi vel til greina að spyrja þjóðina álits hvernig staðið verði að uppbyggingu á Þingvöllum eftir að Valhöll brann.

Jóhanna telur sem sagt að það sé nauðsynlegt að spyrja þjóðina í atkvæðagreiðslu hvort byggja eigi að nýju hótel og veitingarekstur á Þingvöllum en að spyrja þjóðina hvort sækja eigi um aðild að ESB eða spyrja um afstöðu þjóðarinnqar til Icesave kemur ekki til greina að mati Jóhönnu.

Hvort hótel eigi að vera á Þingvöllum eða ekki er sem sagt stóra málið,sem spyrja verður þjóðina um, en svona smámál eins og ESB og Icesave, telur Jóhanna og Samfylkingarmenn ekki nokkra ástæðu til að spyrja þjóðina um.

 

Niðurstaða um ESB á hádegi

Athugasemdir

[Kolbrún Stefánsdóttir, 16.7.2009 kl. 01:01]

Sæll Sigurður. Skemmtilegur pistill hjá þér. Þetta er þekkt stjórnunaraðferð(oft kennd við konur) að láta menn halda að þeir hafi eitthvað um mál að segja með því að láta þá taka ákvarðanir sem skipta engu máli en ráða sjálfar því sem er aðalmálið. Ætti samt ekki að mínu mati að gilda þegar hagsmunir heillar þjóðar eru í húfi.  kveðja Kolla.

[Lýður Árnason, 16.7.2009 kl. 04:44]

Sæll, Sigurður.  Í stað þess að þjappa þjóðinni saman hefur þessari ríkisstjórn tekist að sundra þjóðinni, svipta hana allri reisn og vill nú bæta sjálfræðinu við.  Skilaboðin til hægri manna á Íslandi eru augljós:  Háþrýstiþvottur á þeim væng og nýtt fólk!

Kveðja, LÁ

[Helgi (IP-tala skráð) 16.7.2009 kl. 09:48]

Þetta er virkilega góður punktur hjá þér Sigurður. Heilög Jóhanna virðist hafa fundið sína smjörklípu aðferð.