Flott hjá Fjárlaganefnd. Hvað er Framsókn að hugsa?

Það er flott hjá Fjárlaganefnd að hafa getað lagt pólitískt dægurþras á hilluna og unnið að lausn sem er til hagsbóta fyrir Ísland. Það hlýtur að vera gífurlega mikilvægt að geta sýnt alþjóðasamfélaginu að það er nánast full samstaða um það að við látum ekki Breta og Hollendinga kúga okkur.

Það er leitt að Framsóknarflokkurinn skuli ekki standa með hinum flokkunum.

Þessi niðurstaða er sigur fyrir alla sem vöruðu við að Svavarssamningurinn yrði samþykktur óbreyttur, en það bar vilji fortystumanna ríkisstjórnarinnar. Sem betur fer sýndi Fjárlaganefnd að hún lét ekki þrrýsting hafa áhrif á sig og kynnir nú lausn sem Bretar og Hollendingar hljóta að þurfa að ræða við okkur. Flott hjá Fjárlaganefnd,en hvað er Framsókn eiginlega að hugsa.

Hagvöxtur stýri greiðslum

Athugasemdir

[Kalli (IP-tala skráð) 15.8.2009 kl. 15:04]

Það ber að þakka sérfræðingunum sem mættu á fundi nefndarinnar og vöruðu við, lögfræðingum og hagfræðingum. Einnig Framsóknarflokknum sem öskraði allan tímann því það var nauðsynlegt.

Síðast en ekki síst ber að þakka Ögmundi, Guðfríði Lilju og Lilju Móses sem fórnuðu miklu en björguðu því sem bjargað var.

[Björn Kristinsson (IP-tala skráð) 16.8.2009 kl. 12:44]

Ætla landsmenn virkilega að halda að hér sé einhver annar samningur og eitthvað betri !?

Hvað hefur breyst í grundvallaratriðum. A.m.k. ekki hvað varðar greiðslur. Miðað við 75% heimtur í Icesave og þeim 70 milljörðum sem liggja hjá Seðlabanka Bretlands þá standa eftir árið 2016 um 300 milljarðar til greiðslu og þeir verða einnig greiddir samkvæmt þessum saningi, og meira ef minna heimtist). Skoðum þetta aðeins nánar.

Það er mikilvægt að átta sig á að greiðsluþolið í núverandi samningi er miðað við vöxtu vergrar landsframleiðslu (VLF) og yfir tímabil en ekki árlegan vöxt eins og margir myndu halda. Vöxtur VLF er því fundinn út frá því hvað VLF hefur breyst frá 2008 og til greiðsluárs.

Eftirfarandi grunntölur er hægt að finna á Hagstofunni:

Á milli áranna 1995 og 2007 var meðalvöxtur VLF um 4,4%.

Á árinu 2007 var VLF um 1300 milljarðar IKR.

Út frá þessu fæst að VLF er á árunum 2016 til 2024 eftirfarandi í milljörðum IKR.

Ár VLF   Vöxtur   VLF    Hámark Hlutfall af VLF
2017   1995      641      38,5    1,9%
2018   2083      729      43,7    2,1%
2019   2174      820      49,2    2,3%
2020   2270      916      55,0    2,4%
2021   2370      1016    61,0    2,6%
2022   2474      1120    67,2    2,7%
2023   2583      1229    73,7    2,9%
2024   2697      1343    80,6    3,0%

Samkvæmt þessu er meðalhámark á greiðslu 2,5% af árlegri vergri landsframleiðslu sem er nákvæmlega sama tala og Sjálfstæðisflokkurinn lagði til !! Meðalhámarksgreisla er um 55 milljarðar tala sem sumir ráðherrar voru mjög ósáttir við.

Það hefur því ekkert breyst hér. Þetta er nánast sami samningurinn og áður og enn reynt að ljúga að þjóðinni.