Hvað með ESB, Nato og norrænt samstarf ?

Flestir held ég að geri sér grein fyrir að okkur var stillt upp við vegg af okkar svokölluðu vinaþjóðum og við hreinlega pínd til að samþykkja að ábyrgjast Icesave.

Hingað til hefur okkur verið talin trú um að það væri okkur óskaplega mikill styrkur að vera í samstarfi með norðurlandaþjóðunum. Er það svo? Ekki hefur það sýnst í þessu blessaða Icesave máli. Norðurlandaþjóðirnar stóðu allar gegn okkur nema Færeyingar.

Hvað með Nato.Með mörgum fögrum orðum var okkur sagt að Nato þjóðirnar væru okkar helstu vinir. Árás á eina þjóð þýddi árás á allar þjóðirnar. Finnst mönnum þetta hafa haldið? Sýndu Bretar það í verki með hryðjuverkalögum á okkur. Hvað með okkar aðalvinaþjóð Bandaríkin. Hafa þeir sýnt okkur stuðning? Það er þá skrítinn stuðningur. Hvers vegna hótuðum við ekki úrsögn úr Nato. Höfðum við einhverju að tapa?

Svo er það náttúrulega sér kapítuli hvernig Samfylkingin hefur hagað sé með dekrið og undirlægjuháttinn til að komast í Evrópusambandið.Samfylkingin hefur alls ekki viljað styggja á neinn hátt stóru þjóðirnar í ESB af ótta við að þá fengjum við ekki að sitja í kjöltu ESB.

Nei,það er erfitt að sjá hvað við höfum hagnast á samstarfi við þessar þjóðir.

 

Hegðun Breta og Hollendinga ekki sæmandi