Íslandsbanki ætlar að skila öðru sjónvarpstækinu. Hugmyndir félagsmálaráðherra athyglisverðar.

Eftir eitt ár er Íslandsbanki að átta sig að það væri kannski eðlilegt að skila einhverju til baka sem búið er að hafa af viðskiptavinum.Reyndar hefur komið fram alveg ágætis samlíking um þessar aðgerðir bankans. Þetta er eins og maður sem ræðst inn í íbúð og tekur þaðan tvö sjónvörp og fær svo bakþanka og ákveður að skila öðru. Sem sagt aðgerðirnar ganga allt of stutt.

Aftur á móti eru hugmyndir félagsmálaráðherra Árna Páls mjög athyglisverðar. Þar er hreinlega talað um að færa greiðslubyrði húsnæðis-og bílalána aftur til maí 2008. Verði þetta að raunveruleika er virkilega verið að tala um aðgerðir sem geta hjálpað heimilum landsins. Fróðlegt verður að fylgjast með þessu máli og sjá nánari útfærslu.

Miðað við það sem greint hefur verið frá í fjölmiðlum virka þessar tillögur félagsmálaráðherra mjög jákvætt á mann.Vonandi fer nú eitthvað gott að gerast.

25% lækkun höfuðstóls lánanna

Athugasemdir

[ElleE (IP-tala skráð) 28.9.2009 kl. 18:13]

Miðað við hvaðan það kom virkar þetta voða neikvætt á mann og trúi engu þaðan.  Og líkingin þarna með tækið er væg hjá HH.  Nær lagi er að bankinn væri að skila minna en 1/2 tæki af 2.   Og það væri nú erfitt.  

[Axel Pétur Axelsson, 28.9.2009 kl. 19:11]

þú getur bókað að Íslandsbanki skilar bara bilaða sjónvarpstækinu . . .

[Þórólfur Ingvarsson, 28.9.2009 kl. 22:13]

Ég get ekki séð neitt jákvætt í þessu hjá félagsmálaráðherra og hef aldrei reiknað með neinu öðru en skítalikt af öllu sem frá honum kemur. Það að færa greiðslubyrði húsnæðis og bílalána í það sama og hún var í maí 2008 þíðir einfaldlega það, að ung hjón sem höfðu fjárfest í húsnæði sjá fram á að það þarf þrjár kynslóðir til að greiða lánið upp, ekki vildi ég hafa það á samviskunni að eftir minn dag væri möguleiki á því að barna barna barnabörnin mín hefðu kannski möguleika á því að greiða síðustu afborgunina af gamla láninu mínu og ég löngu kominn niður á sex fetin.

Það er bara til eitt réttlæti í þessu og það er að höfuðstóll allra lána verði færður niður í það sem hann var í byrjun árs 2008. Og það á ekki að skipta neinu máli hvort um húsnæðis eða bílalán er að ræða, það er einfaldlega verið að féfletta fólk.

[Guðný (IP-tala skráð) 28.9.2009 kl. 23:22]

Hvort er betra, a) leið íslandsbanka að fá 10% niðurfellt af höfuðstól verðtryggðs láns eða b) leið Árna Páls að fá GREIÐSLUBYRDINA eins og maí 2008 og svo JAFNVEL afskrift í lok lánstíma sem hefur ekki lengst MIKIÐ vegna þessarar breytingar?