Flestir sjá Davíð Oddsson sem leiðtoga þjóðarinnar. Merkilegt miðað við stanslausar árásir Vinstri manna á Davíð.

Enn einu sinni munu Vinstri menn missa svefn næstu nætur. Enn einu sinni fá margir Vinstri menn vægt ef ekki stærra taugaáfall við það að enn eru það flestir sem treysta Davíð Oddssyni manna best til aðleiða þjóðina út úr efnahagskreppunni.

Hér er um mjög merkilega niðurstöðu að ræða. Vinstri flokkarnir hafa um langan tíma litið á það sem sitt höfuðmarkmið að beina spjótum sínum að Davíð Oddssyni. Linnulausar árásir hafa verið á Davíð úr þeim herbúðum. Fyrsta mál Vinstri stjórnarinnar var að reka Davíð úr Seðlabankanum.

Gífurleg taugaveiklun greip umk sig meðal margra Vinstri manna þegar Davíð varð ritstjóri Morgunblaðsins. Moldviðri var þyrlað upp og reynt að fá sem flesta til að segja upp áskrift eða að fólk til að hætta að blogga á mbl.is.

Miðað við allan óhróðurinn og persónulegu árásirnar á Davíð er það því hreint ótrúlegt að flestir skuli treysta honum í leitogahlutverkið.

Eflaust segja nú einhverjir Vinstri menn að ekkert sé að marka svona könnun. Það eru þeirra viðbrögð þegar kannanir eru þeim ekki í vil.

Að sama skapi og merkilegt er að sjá þessa glæsilegu útkomu Davíðs hlýtur lítið traust á Bjarna benediktssyni að vekja upp ýmsar spurningar. Því miður virðist það vera svo að enn hefur Bjarni ekki náð  að sannfæra kjósendur um ágæti sitt. Það getur ekki talist gott´að fleiri skuli treysta Sigmundi Davíð formanni Framsóknarflokksins því mikill munur er á stærð flokkanna,Sjálfstæðisflokknum í vil.

Svo er auðvitað merkilegt að sjá að fall Jóhönnu Samfylkingarformanns er mikið. Það voru bundnar miklar vonir við verkestjórnarhæfileika Jóhönnu. Þeir hæfileikar virðast ekki hafa verið eins miklir og margir héldu.

En niðurstaðan er ótvíræð.  Enn og aftur er Davíð kóngurinn í augum stærsta hópsins,sem tekur þátt í skoðanakönnuninni. Svona er þetta sama hvað Vinstri menn segja.

 

 

Treysta Davíð til að leiða landið út úr kreppunni

Athugasemdir

[Arthur Þorsteinsson (IP-tala skráð) 29.10.2009 kl. 16:34]

Er þetta nokkuð óeðlilegt, er ekki mikil fortíðarhyggja hjá sjálfstæðismönnum, sjá gamla tíma í hillingum Foringinn mikli sem þarf að leiða hjörðina. Segir það ekki allt hversu mikið Bjarni Ben fær, Þetta er kjarninn í sjálfstæðisflokknum sem hefur þessa skoðun Fólk sem getur og vill ekki gera upp við fortíðina. Davíð og hans stefna var ástæða þess að ég hætti að kjósa sjálfstæðisflokkinn fyrir áratug síðan. Vaknið fólk, sýnið smá sjálfstæði og hristið af ykkur hlekkina og ósjálfstæðið.