Sá fyrsti en ekki sá síðasti?

Er ballið nú að byrja hjá sérstökum saksóknara. Það hljóta fleiri að fylgja í kjölfarið í fangelsi. Skelfing er það í sjálfu sér sorglegt  ungir vel menntaðir menn skuli þurfa að enda í fangelsi. Maður getur ekki annað en vorkennt fjölskyldu Hreiðar Más.

Hin hliðin er svo auðvitað að maður getur ekki haft samúð með mönnum sem fóru gjörsamlega með þjóðina á hliðina. Það eru ansi margir sem þurfa að líða fyrir það sem þessir útrásarvíkingar og bankamenn aðhöfðust.

Það er ömurlegt hvernig græðgin hefur leitt menn út í þvílíka vitleysa að líklegt er að margir muni hljóta fangelsisdóma fyrir.

Nú hljóta margir að skjálfa.

Hreiðar Már handtekinn

Athugasemdir

[Friðrik Jónsson, 6.5.2010 kl. 18:33]

Það er furðulega þenkjandi fólk sem ætlar að fara að vorkenna þessum mannleysum sem eru búnir að kosta þúsundir allt sitt,nei mín samúð liggur ekki hjá þessu hyski heldur hjá almenning sem á hvorki í sem né á.

[Sigurður Jónsson, 6.5.2010 kl. 19:00]

Ég er ekki að vorkenna Hreiðari Má. Ég sagðist vorkenna fjölskyldu hans. Ekki geta börnin neitt gert af óheiðarlegum viðskiptum Hreiðars Más.

[Aðalsteinn Tryggvason, 6.5.2010 kl. 20:04]

Sammála því, en þeir gráðugu gleymdu að hugsa um sína nánustu í hita leiksins

[Friðrik Jónsson, 6.5.2010 kl. 20:23]

Satt Sigurður börnin lenda því miður alltaf á milli,enda eru tugþúsundir barna sem eru að líða skort fyrir gjörðir þessara manna á Íslandi í dag og þess vegna er fólk reitt.

[Davíð Þ. Löve, 6.5.2010 kl. 21:17]

En blessuð börnin þurfa þó ekki að standa í biðröð hjá fjölskylduhjálpinni í framtíðinni. Ég vorkenni þessum fjölskyldum en ekki þeim sem eiga milljarða falda á reikningum um allann heim.