Ferfalt húrra fyrir réttlætinu.

Það er eftir allt saman fagnaðarefni að við skulum eiga eins góða dómstóla og kom í ljós við uppkvaðningu umdeildra bílalána. Það hefur verið skelfilegt hvernig þessi fjármögnunarfyrirtæki hafa hagað sér síðustu árin. Tugþúsundir féllu í gildruna og tóku þessi myntkörfulán vegna þess að almenningi var talin trú um að það væri mun hagstæðara og því fylgdi lítil áhætta. Annaðö kom í ljós.

Margir hafa því misst bíla sína algjörlega að óþörfu. Hefði það legið fyrir frá byrjun að þetta væri óheimilt væru margir enn á bílum sínum eða væru ekki með hundruð þúsunda reikninga á bakinum.

Það hlýtur að vera stór spurning hvort margir eiga ekki rétt á skaðabnótum frá fjármögnunarfyrirtækjunum vegna ólöglegra samninga og þar af leiðandi ólöglegra vörslusviptinga á bifreiðum.

Þessi dómi ber að fagna núna á 17.júni,þjóðhátíðardegi okkar.

Gengistryggingin dæmd óheimil

Athugasemdir

[Sigurbjörg Eiríksdóttir, 17.6.2010 kl. 14:25]

Mest er ég hrædd við að þeir finni einhverja smugu til að verjast "fjármagnið"....

[Hrólfur Þ Hraundal, 17.6.2010 kl. 21:50]

Það liggur fyrir að stjórnvöld nenntu ekki að sinna þessu máli og þess vegna bíð ég eftir afsökunar beiðni frá forsætisráðherra og skástífu hennar.

[Sigurður Sigurðsson, 18.6.2010 kl. 01:41]

Það liggur beinast fyrir að þegar vörslusviptum bílum verður skilað til eigenda sinna að eignaleigufyrirtækin láti gera við þá. Nóg rukkuðu þeir fyrir viðgerðarkostnað.