Nú verður auðvelt að semja við Vilhjálm um hærri laun.

Óttalega er þetta nú skrítið að einhver einn maður þótt hann sé framkvæmdastjóri samtaka atvinnulífsins geti bara si svona lýst því yfir að nú sé kreppan búin. Ætli þeir sem eru atvinnulausir taki undir þetta? Ætli þeir sem eru með öllu gengistryggðu lánin í vanskilum taki undir þetta? Ætli þeir sem þurfa að borga marg falt hærri skatta núna taki undir þetta? Ætli fyrirtækin sem eru farin á hausinn taki undir þetta? Ætli þeir fjölmörgu sem neyðst hafa til að flytja til útlanda taki undir þetta?

Það eina jákvæða við yfirlýsingu Vilhjálms er að nú þarf launþegahreyfingin ekki að kvíða næstu kjarasamningum.Nú hlýtur Vilhjálmur að vera reiðubúinn að hækka launin,þar sem kreppan er búin að hans mati.

„Kreppan er búin“

Athugasemdir

[Bjartmar (IP-tala skráð) 21.7.2010 kl. 15:34]

...og lækka launin sín.

[Hrafn Arnarson (IP-tala skráð) 21.7.2010 kl. 16:22]

Vilhjálmur er ekki bara einhver einn maður. Hann er talsmaður Samtaka atvinnulífsins , en þar er að finna mörg sterk fyrirtæki. Áður var Vilhjálmur þingmaður en var bolað útaf þingi af samherjum sínum með eftirminnilegum hætti. Því miður hefur það einkennt feril Vilhjálms að hann hefur gjarnan tekið ranga afstöðu og haldið fram sérkennilegum skoðunum. Við verðum að vona að hann hafi rétt fyrir sér í þetta skipti, til lengri tíma litið!

[Birgir Guðjónsson (IP-tala skráð) 22.7.2010 kl. 08:32]

Ef satt er, þá þarf ég að ræða við yfirmann minn um 100% starf aftur og kaupskerðinguna um 30 % vil ég nottla fá líka tilbaka !

Held nú samt að hann samþykki ekki hjal Vilhjálms sem grunn fyrir þessu.

[Valmundur Valmundsson, 22.7.2010 kl. 16:00]

Nú verður hjólað í Villa í haust, allir samningar lausir.