Skjaldborgin var um fjármálakerfið en ekki heimilin. Hvernig geta þingmenn stutt Jóhönnu og Steingrím J.?

Það hefur vakið verulega athygli að Jóhanna og Steingrímur J. tóku stöðu með fjármálakerfinu gegn heimilum almennings á Íslandi. Allt þetta hásetmmda tal um skjaldborg heimilin voru innantóm slagorð. Jóhanna og Steingrímur J. tóku stöðu með erlendum Vogunarsjóðum og gáfu þeim veiðileyfi í íslensk heimili.

Hvernig geta heiðvirðir þingmenn Samfylkingar og Vinstri grænn stutt Jóhönnu og Steingrím j. Eflaust hafa margir óbreyttir þingmenn innan þessara flokka haldið að verið væri að vinna til að bæta ástand heimilanna. Óbreyttir þingmenn sem talað hafa fjálglega um að leysa beri skuldavanda heimila og fyrirtækja að hugsa sinn gang núna.

Jóhanna og Steingrímur J. hafa sýnt af sér sík afglöp, sem ráðherrar að þau geta ekki setið áfram. Mál þeirra hljóta að fara fyrir Landsdóm. það er einnig lágmarks krafa almennings til óbreyttra þingmanna Samfylkingar og Vinstri grænna að þeir sjái til þess að Jóhanna og Steingrímur J. yfirgefi ráðherrastóla sína.

Tóku stöðu gegn heimilunum

Athugasemdir

[Vonsvikinn vinstrimaður (IP-tala skráð) 27.5.2011 kl. 00:12]

Ég er alinn upp í Svíþjóð Olafs Palme og skal bara segja þér eins og er. Að kalla þessa ofurkapítalista, sem finna hvergi jafnoka sinn nema ef vera skyldi í Pinochet "vinstrimenn" er svona álíka hæpið eins og þegar Hitler klíndi á sjálfan sig titlinum national "socialist". Þetta fólk hefur ekki snefil af hvorki því jákvæða sem finna má í vinstri- né hægri hugsjóninni, því síður greind eða næmni til að geta dansað þarna á milli. Þau geta aðeins valið það versta af öllu og búið til úr því viðbjóðslegt bland í poka, blöndu af skuggahliðum þess versta úr vinstri- og hægristefnunni, og ekki einu sinni tesneið af nýjungum með, því þau hafa ekki frumleika né greind. Sem Svíi í hjarta mér og alin upp í alvöru vinstrimennsku þá segi ég við þetta fólk: Vinsamlegast hættið að skreyta ykkur með stolum fjöðrum og hæðast að hugsjónum foreldra minna og barnæsku minnar. Ef þið eruð vinstrimenn sem sláið skjaldborg um fyrirtækin en berið ekkjurnar og munaðarleysingjana út á götu, ef þið skiljið hvað ég er að fara, þá er ég flúin yfir til hægri ef ekkert betra kemur í ykkar stað.