Vinstri grænir á móti ESB en samt með.

Landsfundur VG hlýtur að vera furðuleg samkoma. Þar eru saman kominn nokkur fjöldi manna og kvenna,þar sem langflestir stara með lotningu á Steingrím J. og gera allt eins og hann segir.Það er því ekkert undarlegt að þingmaður eins og Lilja Mósesdóttir,sem hugsar dálítið sjálfsagt hafi gefist upp  á foringjaræðinu.

Vinstri grænir segjast vera á móti  ESB og  árétta það með mörgum orðum. Já,já,allir hrópa húrra  og vilja ekki sjá  að afsala sér völdum til ESB.Það er eins og þetta blessaða fólk fylgist ekki með að Samfylkingin er á fullu við að koma okkur í ESB með dyggum stuðningi VG.

Ætli Steingrímur J. hafi sýnt landsfundarfulltrúum undirskrift sína á umsópkninni um aðild Íslands að ESB. Nei,örugglega ekki og svo hrópar Ísland úr Nató. Á næsta landsfundi hrópa menn væntanlega Ísland úr Nató en velkomin í ESB.

Ályktun um utanríkismál samþykkt

Athugasemdir

[Kjartan Örn Sigurbjörnsson (IP-tala skráð) 30.10.2011 kl. 17:42]

Sæll Sigurður. Fyrst tek ég fram að ég var ekki á landsfundi VG. Hef ekki verið á landsfundi nokkurs flokks.

En ég leyfi mér að efast um að þarna hafi verið furðulegri samkoma en með öðrum flokkum. Aðdáun á foringjum hefur verið í öðrum flokkum og allir hrópað húrra þegar foringinn hefur talað. Ég býst við að þú kannist við það.

Ég held að "blessað fólkið" á landsfundi VG geri sér grein fyrir því að aðildarviðræður eigi sér stað og ef samningar nást þá verði það þjóðin sem ákveður. Þetta er áreiðanlega mörgum í VG erfitt. En um þetta var samið þegar stjórnin var mynduð. Eða var það ekki? kv.

[Ásthildur Cesil Þórðardóttir, 30.10.2011 kl. 20:10]

Kjartan síðan hefur komið í ljós að hér eru ekki aðildarviðræður heldur aðlögunarferli. Þetta hefur marg komið fram nú undanfarið m.a. hér:

„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

Það er því ekki það sem farið var með í upphafi og Steingrímur veit þetta mæta vel.  Hann er vísvitandi að blekkja félaga sína til að fá að halda áfram aðlögunarferli sem hann veit að mun bara fara á einn veg, þegar búið er að aðlaga Ísland að öllum reglum ESB, verður ekkert um að kjósa.  Þetta er að mínu mati landráð.

[Kjartan Örn Sigurbjörnsson (IP-tala skráð) 30.10.2011 kl. 21:23]

Aðeins út af þessu sem Ásthildur nefnir. Ég reikna með að ef við gerumst aðilar verðum við að aðlagast reglum ESB. Viðræður eru m.a. um með hvaða hætti það gerist. Þannig er það. Í aðildarviðræðum þarf að sýna fram trúverðugar áætlanir um hvernig það verður gert.

Það gerist þegar samningur hefur verið samþykktur.

[Elle_, 30.10.2011 kl. 21:37]

Ég hugsaði nú það sama og Sigurður þegar ég las það í fréttum að Steingrímur hefði verið aftur kosinn formaður.  Og það með 70% atkvæða fundarmanna. 

Já, ég hugsaði: Fylgist blessað fólkið ekki með hvað maðurinn hefur verið að gera??   

Ótrúlegt að maður sem hefur svikið allt og vinnur fyrir banka og erlend veldi gegn þjóðinni, skuli enn standa þarna sem formaður frekar en hafa verið gerður brottrækur úr flokknum. 

Hann ætti að vera kominn fyrir landsdóm eða sakadóm vegna nokkurra mála eins og ICESAVE og skuldamála.

[Sólbjörg, 30.10.2011 kl. 21:53]

Í fréttinni stendur: ,,Þá mun VG tryggja að íslenskt stjórnkerfi verði ekki aðlagað stjórnkerfi ESB á meðan á aðildarviðræðum stendur."

Ofangreint fullyrðir stjórn VG - en því miður þetta eru rakin ósannindi og gengur ekki upp því innganga í ESB fer einmitt fram í áföngum eins og Ásthildur vitnar í bækling ESB. Aðildarviðræður miðast við innleiðingu á regluverki ESB, dagsetningar staðfesta síðan hverja reglugerð fyrir sig allt eftir því hvernig miðar í viðræðunum. Jóhanna og Steingrímur er afar óróleg og pirruð yfir hvað gengur hægt að þoka okkur inn í ESB - þau vita að inngangan fer fram í áföngum. Síðan þegar innleiðingin er klár þá er tilkynnt að við séum komin á leiðarenda endanlega og við samþykkt með húð og hári.

[Ásthildur Cesil Þórðardóttir, 30.10.2011 kl. 21:59]

Sólbjörg þetta er rosalega erfitt fyrir ESB aðdáendur að skilja og meðtaka.

[Jón Steinar Ragnarsson, 30.10.2011 kl. 22:25]

Kjartan: Þú er ekki að skilja þetta. Það er tekið skýrt fram að aðlögun fari fram í þessu ferli en ekki á eftir. Um það stendur styrinn. Ég á eiginlega bágt með að trúa að þú hafir ekki séð þessa klásúlu áður og kynnt þér hana í stað þess að koma með persónulega túlkun sem engu vatni heldur.

Aðlögun á að vera lokið þegar að inngöngu kemur. Það er ekki verið að "kíkja í pakkann". Aðlögun er þegar hafin og langt á veg komin.Ef þú skilur þetta ekki, þá held ég að ég geti ekki hjálpað þér frekar.

[Kjartan Örn Sigurbjörnsson (IP-tala skráð) 30.10.2011 kl. 22:56]

Það er gott að velviljað fólk vill útskýra og leiðbeina.

En þetta skil ég og er málið að minni hyggju:

Alþingi samþykkti á sínum tíma að fara í aðildarviðræður við ESB. Það er ferli, sem nú er hafið er þekkt og ekkert frábrugðið því sem önnur ríki hafa gengið í gegn um á leið sinni í ESB. Það felst m.a. í undirbúningi fyrir aðild. En þær breytingar sem verða

á lögum og stofnunum verða ef Íslendingar samþykkja að ganga í sambandið. Annað er í okkar valdi. kv.

[Ásthildur Cesil Þórðardóttir, 30.10.2011 kl. 22:59]

Æ og tunglið er úr osti.