Flott að fá Hönnu Birnu í forystuna.

Ánægjulegt að Hanna Birna hefur tekið ákvörðun að stefna á fyrsta sætið í Reykjavík. Hanna Birna hefur sýnt það að hún er öflugur forystumaður. Hæun boðar ný og breytt vinnubrögð,einmitt það sem þjóðin vill sjá á Alþingi. Reykvíkingar og landsmenn allir munu fagna því að fá Hönnu Birnu sem forystumann og ráðherra í næstu ríkisstjórn.

Hanna Birna stefnir á 1. sætið

Athugasemdir

[Vilhjálmur Stefánsson, 14.9.2012 kl. 20:30]

Bjarni Ben víkur af stalli fyrir Hönnu Birnu,hún er sá Foristumaður sem hinn almenni kjósandi Sjálfstæðisflokksins vill hafa sem Formann.Bjarni Ben er sá maður sem höndlar ekki að vera í Pólitík og ef menn vilja endilega hafa hann hrinur fylgi Flokksins.það þíðr ekki lengur að ota mönnum fram vegna ættartegsla..

[Óskar Sigurðsson, 14.9.2012 kl. 22:54]

Hanna Birna hefur það sem þarf í dag og er tengd við raunveruleikan. Velkomin Hanna Birna

[Gústaf Níelsson, 14.9.2012 kl. 23:41]

Væri ekki nær að hún endurheimti borgina úr klóm Gnarristanna og sýndi sig sem leiðtoga, áður en hún fer á þing? Rishornið á Davíð Oddssyni var nú öllu brattara, áður en að hann yfirgaf borgina.

[Anna Sigríður Guðmundsdóttir, 15.9.2012 kl. 09:00]

Persónan Hanna Birna er klár og vill vel, en flokkseigendur Sjálfstæðisflokksins hafa tangarhald á henni. Þar með er hún að bjóða sig fram í spillingar-hjólfara-stjórnsýslu. Það er sorglegt þegar gott fólk lendir í eldgömlum mútuklóm spillingarinnar siðlausu.

Hanna Birna ætti mikla möguleika, ef hún segði sig úr Sjálfstæðisflokks-klíkunni, og stæði á eigin traustu fótum. Grunnurinn í Sjálfstæðisflokknum er svo spilltur og rotinn, að ekki er rétt að byggja neitt trúverðugt né traust á þeim frímúrara-klíkugrunni.

M.b.kv.

[Heimir Lárusson Fjeldsted, 15.9.2012 kl. 14:34]

Anna, frekar er þessi umsögn þín vandræðaleg.

[Anna Sigríður Guðmundsdóttir, 15.9.2012 kl. 23:05]

Heimir L. Getur þú sagt mér hvers vegna þessi umsögn mín er vandræðaleg?

Það hjálpar mér mikið við að skilja hvað ég geri rangt, ef fólk bendir mér beinskeytt og hreinskilningslega, og með réttlætanlegum og sönnum rökum, á hvað er svona vandræðalega rangt í minni umsögn.

Heiðarlegt samfélag byggist á því að gagnrýna af heiðarleika og af skilyrðislausum náungakærleika, eins og sannkristnu samfélagi ber að gera. Eða er það ekki þannig?

M.b.kv.

[Sólrún (IP-tala skráð) 17.9.2012 kl. 11:05]

Ég get ekki séð þessa miklu leiðtogahæfileika Hönnu Birnu. Hún fékk borgarstjórastólinn afhentan eftir mikinn ólgusjó í borginni, hver hefði ekki komið vel út úr því.

En hver er svo árangurinn??? hún tapaði kosningunum og hefur staðið sig hörmulega í minnihlutanum. Það hefur ekki heyrst í henni allt tímabilið. Síðan flýr hún borgina og á þá að vera eitthvað svar á landsvísu. Það held ég nú ekki. Ég hef aldrei heyrt hana tjá sig um efnahagsmál eða sjávarútveginn. Ég vil að Illugi Gunnarsson leiði flokkinn áfram í Reykjavík hann virkar traustur.

það vita allir að Kjartan Gunnarsson og Þór Sigfússon, forstjóri með meiru, eru mennirnir á bak við Hönnu Birnu. Það var þá hópurinn.