Tímamótafrétt á morgun?

Það verður spennandi að fylgjast með fréttum á morgun. Taka þau Bjarni og Katrín J. ákvörðun um að hefja formlegar stjórnarmyndunarviðræður?

Ef af verður væru það merkileg tímamót. Reyndar eru fleiri og fleiri sem sjá það sem góðan kost að þessir tær flokkar hægra megin og vinstra megin við línuna næðu saman.

Það þarf að ná samkomulagi um stóru málin. Rétt sem Bjarni bendir á að mörg mál verða ekkert á dagskrá þetta kjörtímabil. Það dettur t.d. engum í hug að fara að leggja áherslu á olíuleit. 

Það er engin ástæða að kollvarpa stjórnarskránni.

ESB aðild er ekkert á dagskrá þetta kjörtímabil.

Sjálfstæðisflokkur og VG geta hæglega náð samkomulagi um sjávarútvegsmál og landbúnaðarmál.

Flokkarnir eru sammáa um að efla innviðina.

Sjálftæðismenn verða að fara hægar í skattalækkanir en þeir gerðu ráð fyrir og VG að sama skapi að falla frá miklum skattahækkunum.

Svo verður það spennandi að fylgjast með hvaða flokkur fer með í samstarfið.

Horft frá sjónarhóli Samfylkingar væri það örugglega skynsamlegt að taka þátt í þessari stjórn.Það eru meiri möguleikar fyrir Samfylkinguna heldur en vera í stjórnarandstöðu.

Athugasemdir

[Anna Sigríður Guðmundsdóttir, 30.11.2016 kl. 23:45]

Komið eggjahljóð í "Vinstri Græna" Katrínu Jakobsdóttur? Sjálfstæðisflokki?

Hvað voru kjósendur Vinstri Grænna að kjósa? Og hvað voru kjósendur Sjálfstæðisflokksins að kjósa?

M.b.kv.

[Hrólfur Þ Hraundal, 1.12.2016 kl. 20:55]

Það stóð aldrei til að VG færi í stjórn með Sjálfstæðisflokki og ef einhver einlægni og heiðarleiki væri til í þessum flokki þá hefði Steingrímur sagt það strax, í stað þess að þykjast.   

Við vitum ekkert hvað Katrín vill en hingað til þá hefur hún alltaf gert það sem Steingrímur vill.  

Nú er komið að forsetanum slá sér á brjóst og efla sér kjark og skipa starfsstjórn frammá vor.  Allt annað er einskis nýtur kjánagangur.