ÞVÍLÍK DELLA.

Er þetta nú ekki orðið full langt gengið. Eiga börnin og foreldrarnir ekki sjálf rétt áð að ákveða hverjum er boðið í afmæli.Ég held að ástandið sé svipað hér í íslensku skólanum. Það er nú orðið ansi stór biti að þurfa að bjóða 20-25 krökkum í afmælið. Varla má mismuna kynjunum ogh bjóða þarf öllum bekknum. Hvers vegna í óskupunum eru skólarnir að skipta sér af þessu. Auðvitað eiga börnin og foreldrarnir sjálf að sjá um hverjum er boðið. Það eru símar og tölvur á hverju heimili,þannig að það ætti að vera auðvelt að koma á framfæri boði í afmæli.

Sem sagt, skólarnir eiga að hætta þessari miðstýringu og skylduboði í afmæli.

Barnaafmæli veldur uppnámi í Svíþjóð

Athugasemdir

[kennari (IP-tala skráð) 29.6.2008 kl. 12:00]

Þetta er regla hér í skólum að ef þú ætlar að nota skólann til að bjóða þá á ekki að skilja útundan. Ef börn vilja ekki bjóða öllum þá eiga þau að dreifa boðskortum eftir skóla, en ekki á skólatíma.

[Anna Guðný , 29.6.2008 kl. 12:35]

Skólinn er ekkert sjálfskipaður staður til að bjóða í afmæli. Og  alveg sjálfsagt að skólinn setji sér skýrar reglur um það hvað má og má ekki í því sambandi. Auðvitað á skólinn að hugsa um öll börnin og sjá til að mismunun eigi sér ekki stað. Ef síðan foreldrar velja að gera annað er það þeirra mál og á að gerast út frá heimilinu.

Eigðu góðan dag.

[Þórhildur (IP-tala skráð) 29.6.2008 kl. 12:59]

Það er einmitt málið Sigurður að skólinn er ekki með neina miðstýringu í þessum málum. Það eru foreldrarnir sem hafa komið þessu af stað því það er svo miklu auðveldara að dreyfa boðskortunum í skólanum þar sem allir boðsgestirnir eru staddir á sama stað, í stað þess að "þurfa" að keyra öll kortin út. (Því sumir vilja jú bjóða í afmæli með boðskortum) Það er ástæðan fyrir því að skólarnir hafa verið dregnir inn í þetta. Hafa leyft foreldrum og börnum að nota þessa aðferð. Svo þegar koma upp einhver leiðindi vegna þess að einhverjir eru skildir útundan eins og sagt er, þá sjá skólarnir sig tilknúna að setja ákveðnar reglur, sem mér þykir nú bara sjálfsagt. Í skóla þar sem ég þekki til er reglan sú að annað hvort er öllum bekkjarfélögum boðið eða að öllum strákunum sé boðið í strákaafmæli eða öllum stelpunum í stelpuafmæli. Ef foreldrar og börn vija bara bjóða einhverjum ákveðnum í bekknum, verður það boð að fara fram utan skólatíma. Svo einfalt er það.

[dittó (IP-tala skráð) 29.6.2008 kl. 14:15]

Ég segi nú bara DITTÓ við þessu.  Það á ekki að nota skólann sem dreifingarstað fyrir boðskort nema öllum bekknum sé boðið.  Öllum er auðvitað í sjálfsvald sett hverjum þeir bjóða í afmæli, en ef velja skal úr stórum hópi einhverra hluta vegna, þarf að halda skólanum utan við það.  Svo einfalt er nú það.

[núll (IP-tala skráð) 29.6.2008 kl. 14:18]

Svo er líka hægur vandi að koma því að svo ekki verði sárindi úr, að ástæða þess að ekki er öllum boðið getur legið í smæð húsnæðis, því að einungis á að hafa stelpu / eða strákaboð eða hvað annað sem veldur.  Þannig læt ég syni mína koma því á framfæri ef mig grunar að einvherjir verði óánægðir.