BJARGAR BJÖRN FLOKKNUM ?

Björn Bjarnason virðist miðað við skrif sín gera sér fyllilega grein fyrir að Sjálfstæðisflokkurinn er að lenda í verulegum vandræðum vegna umræðunnar um Evruna og Evrópusambandið. Margir í forystu Sjálfstæðisflokknum hafa verið alltof harðir á því að ekki megi ræða og skoða þessi mál. Það sjá allir sem vilja sjá að okkar litla króna er orðin vonlaus til að nota sem gjaldmiðil. Gífurlegar sveiflur á gengi krónunnar ganga ekki. Okurvextir hér á landi gera atvinnulífinu ómögulegt að blómstra og einstaklingar ráða ekki við ofurvexti og verðtryggingu lána.

Útspil Björns að kanna millileið og taka upp Evruna án þess að sækja um aðild af Efnahagsbandalaginu núna er athyglisverð og getur verið ágætis leið til að ná sátt í málinu. Fyrir Sjálfstæðisflokkinn er nauðsynlegt að vinna að niðurstöðu í þessum málum eigi flokkurinn ekki að missa mikið fylgi í næstu kosningum.

Evruleið fremur en aðildarleið?