13% stýrivextir í engri verðbólgu.Hvað varð um djörfu lækkunina? Sá norski og Davíð með sömu stefnuna.

Margir voru að gera sér grein fyrir að mjög stórt stökk yrði nú tekið í lækkun stýrivaxta. Ég heyrði í morgun í Pétri Blöndal og Atla Gíslasyni þar sem þeir töluðu um að stýrivextir þyrftu að fara í 5%.

Áður voru rökin sú að stýrivextir mætti ekki lækka mikið því verðbólgan væri svo há. Nú er algjör stöðnun,engin verðbólga. Samt erum við með stýrivexti uppá 13%.

Það liggur alveg ljóst fyrir að atvinnulífið mun ekki hressast á meðan vextir eru svona háir.

Besta hjálpin til flestra heimila væri lækkun vaxta.

Davíð Oddsson fyrrum Seðlabankastjóri var harðlega gagnrýndur fyrir stjórn peningamála í Seðlabankanum og að vilja halda stýrivöxtum háum.

Jóhanna Sigurðardóttir og Steingrímur J. hljóta að velta því fyrir sér hvort sá norski í Seðlabankanum sé ef til bara norska útgáfan af Davíð.

En kannski ræður sá norski engu um vaxtastefnuna,kannski ráða Jóhanna og Steingrímur engu um peningastefnuna. Er það bara ekki Alþjóðagjaldeyrissjóðurinn sem í raun stjórnar landinu. Af þeirri ástæðu geta Jóhanna og Steingrímur setið á fundum til að ræða öll önnur mál en þau sem skipta mestu við að mynda ríkisstjórn.

Þessi vaxtalækkun mun ekki auka bjartsýni meðal landsmanna.

Stýrivextir lækka í 13%