Þingmenn hljóta að hafa skoðun í svo stóru máli eins og ESB. Ömurlegt ef einhverjir ætla að sitja hjá.

Málefni ESB hafa lengi verið til umræðu. Það verður að ætlast til þess af þingmönnum að þeir hafi myndað sér skoðun hvort sækja eigi um aðildaviðræður eða ekki. Þingmenn hljóta að geta sagt já eða nei við tillögu um það hvort efna eigi til þjóðaratkvæðagreiðslu um það hvort fara eigi í viðræður eða ekki.

Það er ömurlegt ef einhverjir þingmenn ætla að sitja hjá og í raun samþykkja á þann hátt að verða til þess að Alþingi samþykki aðildaviðræður. Menn hljóta að hafa skoðun í jafn stóru máli og ESB. Þeir þingmenn sem hugsanlega sitja hjá eiga ekkert erindi að sitja á Alþingi.

Eitt enn. Hvernig geta sumir þingmenn Vinstri grænna sagt að þeir ætli að samþykkja að óska eftir aðildaviðræðum við ESB en þeir séu samt á móti því að ganga í ESB. Til hvers þá að óska eftir viðræðum. Þessi málflutningur VG gengur ekki upp.

Hjáseta kann að ráða úrslitum

Athugasemdir

[Páll Blöndal, 12.7.2009 kl. 13:29]

Úrdráttur
Samstarfsyfirlýsing ríkisstjórnar
Samfylkingarinnar og Vinstrihreyfingarinnar – græns framboðs
Utanríkis- og Evrópumál
"Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í þjóðaratkvæðagreiðslu að loknum aðildarviðræðum. Utanríkisráðherra mun leggja fram á Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu."

Samfylkingin er eini flokkurinn sem er samkvæmur sjálfum sér

[Emil Örn Kristjánsson, 12.7.2009 kl. 16:40]

Einmitt það, Páll. Athugaðu að greinin úr ríkisstjónarsáttmálanum, sem þú vísar til, gerir hvorki að hafna né krefjast þjóðaratkvæðagreiðslu um aðildarumsókn. Hún nefnir aðeins það til að ákvörðun um aðild verði í höndum þjóðarinnar og þjóðaratkvæðagreiðsla verði að loknum aðildarviðræðum. Eigi ákvörðun um aðild að vera í höndum þjóðarinnar þá verður hún það enn frekar fái þjóðin að tjá sig um það í atkvæðagreiðslu hvort aðildarumsókn komi yfirleitt til greina.

Höfum einnig í huga að ríkisstjórnarsáttmálar eru aldrei annað en markmiðslýsingar, áætlanir ef svo má að orði komast, sem kunna breytast eftir því hvernig framgangur mála verður.

[Cindy (IP-tala skráð) 12.7.2009 kl. 20:58]

Ert þú með eða á móti aðildarviðræðum? Hver er þinn boðskapur? Mig langar að vita þetta!

[Halldór Jóhannsson, 12.7.2009 kl. 22:15]

Er það ekki einhverskonar samkomulag við sinn formann..að sitja hjá frekar en á móti...og ESB málið í höfn..

[Sigurður Jónsson, 12.7.2009 kl. 22:37]

Mín skoðun er sú að heppilegra sé að vera fyrir utan ESB. Tel samt að þjóðin eigi að greiða atkvæði um það hvort fara eigi í viðræður.