Á minnihlutinn að ráða?

Oft verður maður undrandi á umræðunni og störfum á Alþingi. Við eru að kjósa á fjögurra ára fresti þingmenn til setu þar. Meirihluti er myndaður um ríkisstjórn. Á ekki lýðræðið að virka þannig að meirihluti þingmanna geti komið sínum málum áfram og í framkvæmd. Núverandi fulltrúar vinsri flokkanna og Píratar vilja alls ekki líta þannig á málin.Þeir telja að minnihlutinn eigi að ráða. Þeir beita öllum ráðum til að koma í veg fyrir að vilji meirihlutans nái fram að ganga t.d. með málþófi. Hvaða glóra er t.d. í því að stjórnarandstöðunni takist að stöðva virkjanaframkvæmdir í neðri hluta Þjórsár. Það er örugglega vilji meirihlutans að fara í þær framkvæmdir. Er það lýðræði að koma í veg fyrir það?

Vill ekki „fótumtroða“ minnihlutann

Hagur allra að semja

Eru hjúkrunarfræðingar og BHM fólk bættara með að setja verðbólguna á fulla ferð? Er það hagur þjóðarinnar að semja um 40-50% kauphækkun á einu bretti? Vilja þessir hópar ekkert gefa fyrir stöðugleikann? Hvers vegna eiga þessir starfshópar að fá mun meiri kauphækkanir en aðrir hópar í þjóðfélaginu?

Það er oft talað um forgangsröð. Vissulega eiga heilbrigðisstéttir að njóta góðra kjara. Vissulega þarf að jafna launamun kynjanna. En það vandamál er ekki hægt að leysa á einu bretti. þetta er áratuga vandamál.Jóhanna Sigurðardóttir ætlaði sem forsætisráðherra að jafna launamun kynjanna. Gerðist það á hennar vakt? Svarið er stórt nei.

Þegar talað er um forgangsröð,hvað má þá hópur eftirlaunaþega segja sem verður að sætta sig við að hafa til ráðstöfunar 170 þúsund krónur á mánuði. Það heyrist ekki mikið í forystumönnum stéttarfélaga að leiðrétta verði þetta óréttlæti. Það heyrist ekki heldur mikið í stjórnmálamönnum að þessi mál verði sett í forgang.

Það eru nokkrir dagar til stefnu að ná samningum við hjúkrunarfræðinga og BHM. Fyrir liggur frá fjármálaráðherra að búið er að bjóða 20% launahækkun.Það hlýtur að vera hægt að nálgast lausn út frá þeirri tölu. Það er krafa almennings að hægt verði að ná samningum án þess að raska stöðugleikanum.

Boðið 20% launahækkun

Svört framtíð hjá Guðmundi Steingrímssyni

Í nýjustu skoðunakönnuninni eru þau merkilegu tíðindi að Björt framtíð þurrkast út.Flokkurinn sem ætlaði að boða ný vinnubrögð féll á prófinu. Guðmundur Steingrímsson og Robert Marshall hafa raunverulega ekkert nýtt fram að færa. þeir eru bergmál af Árna Páli og öðrum í Samfylkingunni.

Innan raða Bjartrar framtíðar er þingmaður Óttarr Proppe, sem talar á allt annan hátt.Það er hlustað á hann. Vinnubrögð og málflutningur Óttars hafa ekki átt upp á pallborðið hjá Gumundi formanni Bjartrar framtíðar.

Áhersla Guðmundar og eftirherma af ESB þjónkun Samfylkingarinnar hrífur ekki kjósendur.

Nú er bara spurning hvort þeir Guðmundur Steimngrímsson og Róbert Marshall hefji leit að nýjum flokki til að starfa í. Kannski verða þeir Píratar fyrir næstu kosningar.

Verða bara tveir flokkar á Alþingi Píratar og Sjálfstæðisflokkur?

Niðurstaða nýjustu skoðunarkönnunar er um margt merkilegt. Pírartar halda áfram stórsókn sinni.Sjálfstæðisflokkurinn bætir verulega við sig í fylgi. Vinstri flokkarnir og Framsókn halda áfram að tapa.mBjört framtíð þurrkast út.

Með sama áframhaldin stefnir í að það verði bara tveir flokkar sem fái kjörna fulltrúa á Alþingi þ.e. Píratar og Sjálfstæðisflokkur.

Þetta er skelfilegur dómur fyrir vinstra liðið. Flokkarnir hafa hamast og hamast en þeim fækkar og fækkar semtreysta sér til að kjósa þau.

Óánægjan er svo mikil að vinstri kjósendur sjá það eina ráð að hópast til Pírata. Til flokks sem enginn veit fyrir hvað stendur.Reyndar er maður svo sem ekkert undrandi miðað við að fylgjast með framgöngu Árna Páls,Steingríms J. og Guðmundar Steingrímssonar í umræðum á Alþingi. Eðlilegt að þeir verði færri og færri sem geta hugsað sér að þetta fólk ráði þjóðfélaginu.

Svo er spurning,hvers vegna Framsókn mistekst svona hressilega að halda sínu fylgiEf til vill á framganga og málflutningyur Gunnars Braga,utanríkisráðherra og Sigurðar Inga landbnúnaðar- og sjávarútvegsráðherra stóran þátt í tapinu.

Sjálfstæðisflokkurinn er augljóslega í sókn. Málflutningur og framganga Bjarna Benediktssonar vegur þar örugglega þyngst. Fleiri og fleiri kjósnedur sjá að Bjarna og hans fólki er best treystandi til að stjórna landinu.

Forsætisráðherra flottur

Það er eðlilegt að það liggi vel á Sigmundi Davíð forsætisráðherra og hann syngi ættjarðarlög. Gott að hann fékk frið fyrir öfgafullum mætmælum til að syngja. Reyndar er það nú komið fram að mótmælendur voru ekki 3000 heldur var það heildartala gesta að sögn lögreglunnar. Þessir öfgafullu skemmdarvargar á Austurvellio voru sem sagt mun færri heldur en fréttastofa RUV og fleiri sögðu.

Auðvitað getur Sigmundur Davíð leyft sér að syngja glaður í bragði. Ríkisstjórn hans er að gera marga góða hluti. Atvinnulífið er að taka við sér,skuldaleiðrétting til margra heimila,skattar,vörugjöld og tollar að lækka.kaupmáttur hefur verið að aukast. Afnám hafta er í augsýn,sem þýðir að ríkissjóður geta lækkað sínar skuldir verulega í framhaldinu. Þá munu skapast tekjur til að styrkja innviðina s.s. heilbrigðiskerfið.

Eigi einhver kröfuspjöld að vera uppi fyrir framan Alþingishúsið aðra daga en 17.júní á að standa á þeim: "Aldrei aftur vinstri stjórn á Íslandi".

Sigmundur söng við Stjórnarráðið

Baulað á þjóðsönginn.Er ekkert heilagt?

Hingað til hafa allir Íslendingar borið mikla virðingu fyrir Þjóðsöngnum. Á landsleikjum og við önnur hátíðleg tækifæri þegar þjóðsöngurinn er spilaður og/eða sunginn stendur fólk upp í virðingarskyni. Að það skuli gerast á þjóðhátíðardegi okkar 17.júní að fjöldi fólks baular,púar og framkvæmir annars konar hávaða á meðan þjóðsöngurinn er fluttur er ótrúleg lítilsvirðing.Það er eitthvað mikið að hjá þessu fólki sem hagar sér þannig. Sem betur fer er þetta örlítill minnihluti af okkar ágætu þjóð. Lang flestir fordæma framkomu þessa hóps á Austurvelli í dag.

Púað á Sigmund Davíð

Er ekki allt í lagi með mótmælendur?

Öllum er að sjálfsögðu heimilt að mótmæla hverju sem er. En að velja 17.júní þjóðhátíðardag okkur til að efna til mótmæla á Austurvelli er forkastanlegt.Er þessu fólki ekkert heilagt. Þetta er okkar þjóðhátíðardagur og það eru ekki síst börnin sem hlakka til dagsins og vilja njóta hans með fjölskyldunni.Það á ekki að skemma daginn með mótmælum.

Flestir aðrir dagar eru ágætir til mótmæla en skömm þeirra sem standa fyrir mótmælum á 17.júní  er til skammar fyrir þá.

Við erum með ríkisstjórn í landinu sem fékk meirihluta þingmanna. Það ber að virða.Eftir tvö ár kjósum við aftur. Þannig virkar lýðræðið hjá okkur. Fámennir hópar eða minnihlutinn á Alþingi verða að sætta sig við það að geta ekki ráðið allavega út kjörtímabilið. Líklega þurfa vinstri menn ap sætta sig við að vera í minnihluta mun lengur en þetta kjörtímabil.

Kjósendur eru að átta sig á að núverandi ríkisstjórn stendur sig mjög vel.

 

Fyrstu mótmælin á 17. júní?

Katrín næsti forseti og Björn Valur formaður VG?

Katrín Jakobsdóttir formaður VG útilokar ekki framboð til forseta Íslands. þetta kemur fram í viðtali í DV um helgina. Það er ekkert skrítið að Katrín vilji grípa tækifærið og losna úr formannsembætti hjá Vinstri grænum. Það hlýtur að vera hryllilegt að gegna þar formennsku en það er Prúðmennið Steingrímur J.Sigfússon sem spilar sig áfram formann. Hann er gjammandi og nöldrandi á Alþingi,þannig að málefnalegur málflutningur Katrínar fellur í skuggann. Styeingrímur J. er enn andlit VG. Auðvitað þurfum við sem eru ekki í VG ekki aráta það. VG mun aldrei ná sér upp á meðan prúðmenni-ð Steingrímur J. er í forsvari.

Katrín á sennilega ágætan stuðning til að geta náð langt í forsetaframboði. Nú er Björn Valur Gíslason varaformaður VG. Hann verður þá væntanlega formaður Vinstri grænna. Það verður flott að fá hann sem formann VG og Steingrím J. sem andliti flokksins.

Þetta er reynbdar4 að verða svolítið merkilegt ef það er bein leið fyrir formenn kommaflokksins að verða svo forsetar landsins. Hægri menn verða nú að hefja leit að framvbærilegum einstaklingi í framboð. Eða finnst mönnum Ólafur Ragnar kannski orðinn svo hægri sinnaður að rétt væri að skora á hann í eitt kjörtimabil enn?

 

 

Hroki og hræsni Þórunnar

Það er móðgun við BHM að bjóða okkar fólki sömu launahækkanir og samið var um á almenna vinnumarkaðnum segir Þórunn Sveinbjarnardóttir. Þvílíkur hroki. Hvers vegna eiga þessir hópar að fá mun meira en aðrir? Nú hefur verið ákveðið að fólk með millitekjur fái mestu skattalækkunina.Eru ekki einmitt félagsmenn BHM innan þess hóps.Metur BHM það einskis.

Það á að svelta okkur til hlýðni segir Þórunn.Furðulegt að hámenntuð kona skuli láta svona fara frá sér.Sem betur fer teljast BHM aðilar ekki til þess hóps að vera undir fátæktarmörkum. Auðvitað á menntað fólk að fá ágætis laun. En er það ekki svo í dag.

Það eru til hópar í þjóðfélaginu sem hafa það ansi slæmt.Ég hef ekki orðið var við að Þórunn eða hennar fólk sé sérstaklega að berjast fyrir bættum kjörum eldri borgara sem margir hverjir hafa ekki nema 170-180 þúsund á mánuði. Þetta er samt fólkið sem byggði upp þjóðfe´lagið okkqar til þess að Þórunn og aðrir í BHM gætu mennað sig og fengið góð störf.

Þórunn hamast nú gegn lagasetningu og telur það forkastanlegt að ráðast þannig að samningsréttindum launafólks. Það stóð ekkert í Þórunni fyrir fimm árum þegar hún sat á Alþingi að samþykkja lög á flugvirkja. Það var hennar mat að verkfalliuð skaðaði þjóðarhagsmuni og því þyrfti að setja lög. Nú segir Þórunn að allt önnur lögmál gildi. Þvílík hræsni.

 

Studdi lagasetningu fyrir 5 árum

Már Seðlabankastjóri eyðileggur nýgerða kjarasamninga

Bæði fulltrúar atvinnurekenda og launþega hafa lýst því yfir að nýgerðir kjarasamningar myndu ekki kollvarpa öllu í efnahagslífinu.Atvinnurekendur gætu tekið launahækkanir á sig enda væri samið til langs tíma. Menn fagna því að á samningstímanum verði 300 þús.króna lágmarslaun tryggð. Fulltrúar ríkisstjórnarinnar hafa einnig sagt að kjarasamningarnir eigi ekki að leiða til kollsteypu.

Blekið er varla þornað á samningunum þegar Már Guðmundsson stígur fram og tilkynnir vaxtahækkun hjá Seðlabankanum.Ekki nóg með það, hann bætir við,þið skuluð svo fá enn meiri hækkun í ágúst og áfram.

Vaxtahækkun bitnar illa á fólki sem skuldar. Vaxtahækknair hljóta að bitna illa á fyrirtækjum og verslunum. Afleiðingaernar verða að skella því í verðlagið. Allt mun hækka. Verðbólgan fer af stað. Lánin hækka þá aftur o.s.frv. Launahækkanirnar farnar og þeir lægst launuðu far5a verst út úr þessu.

Má Guðmundssyni og hans félögum í Seðlabankanum hefur sem sagt tekist á skömmum tíma að eyðileggja nýgerða kjarasamninga. Það verður ekki langt að bíða eftir því að allt fari upp í loft á vinnumarkaðnum.