Lýðræðislegra væri að hafa prófkjör

Oft tala stjórnmálamenn um hversu gott lýðræðið sé og það þurfi að hlusta á fólkið. Það verði að hlusta á grasrótina í flokknum. Þegar á hólminn er komið fara sumir svo lítið eftir þessu. Þá treysta menn sér ekki til að leita til flokksmanna og láta þá skera úr um hvernig framboðslitarnir verði skipaðir.

Athyglisvert að Miðflokkurinn skipi fimm manna kjörnefnd til að skera úr um hvor eigi að skipa oddvitasæti flokksins í Suðurkjördæmi. Bæði Birgir Þórarinsson og Karl Gauti Hjaltason er mjög áberandi þingmenn og hefur málflutningur þeirra oft vakið athygli.

Sá sem lendir í öðru sæti er væntanlega á leiðinni út af Alþimgi.

Í þessu tilfelli hefði það átt að vera eðlilegasti hluti í heimi að efna til prófkjörs meðal stuðningsmanna Miðflokksins í Suðurkjördæmi og láta hinn almenna flokksmann skera úr um það hver ætti að skipa efsta sætið. Nei,það á fámenn klíka að ráða.

Það er til mikillar fyrirmyndar hjá Sjálfstæðisflokknum að viðhafa prófkjör í öllum kjördæmum landsins. Það er lýðræðislegasta leiðin að leyfa grasróttini að velja hverjir skipi efstu sæti framboðslistans.

Barist um oddvitasæti Miðflokksins í Suðurkjördæmi