Hroki Kristjáns Samgönguráðherra í garð Eyjamanna hreint ótrúlegur.

Ég verð nú að segja það alveg eins og er að ég var gjörsamlega undrandi á þeim hroka sem kemur fram í bréfi Kristjáns Möllers samgönguráðherra í garð Eyjamanna.

Hvers kona framkoma er það af ráðherra að óska eftir að fá annan talsmann en bæjarstjóra Vestmannaeyja til viðræðna við ráðuneyti sitt.Ástæðan er að Elliði bæjarstjóri hafi sótt full fast að ráðherra og ráðuneytinu í baráttunni fyrir betri samgöngum til og frá Eyjum.

Ég hélt að Kristján sem dreifbýlismaður ætti að þekkja það manna best að góðar og tryggar samgöngur eru það sem skipta höfuðmáli fyrir bæ eins og Vestmannaeyjar.

Mér finnst frekar að hrósa beri Elliða bæjarstjóra fyrir hans einlægu baráttu fyrir bættum samgöngum við Vestmannaeyjar. Mér hefur fundist málflutningur hans mjög ábyrgur og sanngjarn.

Ég hef ekki heyr nein hávær mótmæli frá Eyjamönnum þótt hætt hafi verið við byggingu nýs skips milli lands og Eyja. Það getur samt ekki talist góður kostur að fá ekki nýtt skip.

Ég hef heldur ekki heyrt nein hávær mótmæli Eyjamanna þótt gjaldskrá Herjólfs sé hækkuð verulega.

Mér finnst Kristján Möller,samgönguráðherra, setja niður með persónulegum skætingi sínum út í Elliða bæjarstjóra og þar með raunar Eyjamenn alla.

 

Uppnám í bæjarstjórn Eyja

Athugasemdir

[Sigurjón Þórðarson, 15.1.2010 kl. 01:27]

Ég óttast því miður að Bakkafjara Elliða eigi ekki eftir að verða sú samgöngubót sem vonir stóðu til en ég vonast svo sannarlega til þess að hafa rangt fyrir mér.

Annars sýnist mér að óþol Möllersins sé gagnvart Elliða en ekki Eyjamönnum.

[Bangsi (IP-tala skráð) 15.1.2010 kl. 04:24]

Í siðmenntuðum löndum yrði ráðherra sveitarstjórna- og samgöngumála sem gerði sig sekan um svona mistök, látinn segja af sér umsvifalaust, hefði hann ekki vit á því sjálfur. Ráðherra kemur nákvæmlega ekkert við hvernig einstök sveitarfélög og íbúar þeirra velja sína sveitarstjórnarmenn og það er lögbrot hreint og klárt að skipta sér af því með þessum hætti.

[Kolbrún Stefánsdóttir, 15.1.2010 kl. 23:23]

Sammála því að ráðherrar velja ekki fulltrúa fólksins en það er nú óþarfa barnaskapur að halda að það skipti ekki máli hver talar máli sveitarfélagsins. Ég þekki ekki forsöguna þ.e. framkomu Elliða bæjarstjóra en það fer ekki á milli mála að ráðherranum er ofboðið. Undarlegt að þurfa að fresta fundi út af þessu bréfi.  Ef ég man rétt hafa Eyjamenn oftsinnis hótað að segja sig úr lögum við meginlandið. Þeir ættu kannski að gera það núna. Ættu kannski að fá sér einkaþyrlur bara eins og sumir dugnaðarmenn þaðan hafa gert til að auðvelda skreppitúrana. Hitt er annað mál að Vestmannaeyjar eru ferðamannaparadís og því afleitt að takmarka ferðir þangað. Það er málfrelsi í landinu, líka fyrir ráðherrana. Síðan kemur bara í ljós í næstu kosningum hvort menn eru sáttir með hann kveðja Kolla.