Nú reynir á Bjarna og Sjálfstæðisflokkinn.

Bjarni benediktsson,formaður Sjálfstæðisflokksins,hefur sagt að ekki verði hægt að ganga til samninga við Breta og Hollendinga varðandi Icesave nema um grundvallarbreytingu verði að ræða frá núverandi samningi.

Það er ekki nokkir grundvallarbreyting þótt eitthvað verði aðeins krukkað í vextina en að öðru leyti verði allt óbreytt.

Mikill meirihluti þjóðarinnar stendur örugglega á bak við þá skoðun að ekki sé hægt að una við núverandi samning og það verði að eiga sér stað grundvallarbreyting,þannig að þjóðin verði ekki sett í skuldaklafa áratugum saman.

Bjarni Benediktsson og Sjálfstæðisflokkurinn má ekki bregðast í þessu máli ætli hann að vinna sér inn aftur traust þjóðarinnar.

Okkur liggur ekkert á. Það er bara hið besta mál að þjóðaratkvæðagreiðslan fari fram og að skýr vilji þjóðarinnar komi fram. Bretar óttast mjög þjóðaratkvæðagreiðsluna sem sýnir umheiminum að það er almenningur á Íslandi sem fær að segja sitt álit.

Funda um Icesave síðdegis

Athugasemdir

[Sigurður Haraldsson, 21.2.2010 kl. 15:14]

Samála nafni og um leið megum við ekki láta þingið koma icesave á okkur áður en við fáum að kjósa það snýst um lýðræðið.

[Óskar, 21.2.2010 kl. 18:26]

Það er alveg ótrúlegt hvað menn eru blindir.  Já Bretar eru skíthræddir við Íslenska þjóðaratkvæðagreiðslu.. Þvílíkt og annað eins endemis bull.  Þetta icesave mál er klink fyrir Breta og skiptir þá ekki nokkru máli, þeir vilja bara fá sína peninga sem var stolið af þeim til baka og lái þeim hver sem vill.   En það liggur á fyrir okkur að klára þetta mál, ekki Breta.  Hér er allt við það að helfrjósa útaf því að stjórnarandstaðan, indefence og forsetinn halda þjóðinni í efnahagslegri gíslingu vegna skuldar sem er um 7% af heildarskuldum þjóðarinnar.   Ömurlegt, já hreint ömurlegt að menn ætli að slátra þjóðinni gjörsamlega efnahagslega til þess eins að komast til valda.. Við vitum nefnilega NÁKVÆMLEGA hvað gerist þegar stjórnarandstaðan kemst til valda, hún skrifar upp á icesave um leið sama hvaða kjör verða í boði.  Við þekkjum þetta fólk og vinnubrögð þess.

[Þórdís Bára Hannesdóttir, 21.2.2010 kl. 19:54]

......og almenningur Íslands er sá sem mest mun líða fyrir seinaganginn í uppbyggingunni. Bretar og Hollendingar eru ekki skíthræddir svo mikið er víst þetta skiptir þá sáralitlu máli.  Það er nú meiri vitleysan þessi mikilmennska margra landa minna að halda að þeir séu nafli alheimsins.

[Sigurður Haraldsson, 22.2.2010 kl. 00:10]

Hvað er í gangi lýðræði já öllum er frjálst að tjá sig þótt samviskan nagi suma þegar málin skýrast!