Ólína i lið með VG á móti einkasjúkrahúsi á Ásbrú. Hvað með annað Samfylkingarfólk.Nauðsynlegt að kjósendur á Suðrnesjum sýni stuðning við Sjálfstæðisflokkinn.

Ólína Þorvarðardóttir fer mikinn í skrifum sínum og varar við uppbyggingu einkasjúkrahúss á Suðurnesjum. Það er eftir öðru hvernig hin tæra Vinstri stjórn reynir á allan hátt að leggja stein í götu uppbyggingar atvinnulífs á Suðurnesjum.

Það hefur svo sem verið vitað að Vinstri grænir væru á móti öllu sem héti einka. Það er með ólíkindum að ætla að leggjast gegn því að hægt verði að nýta aðstöðuna sem við höfum að Ásbrú til að byggja upp einkasjúkrahús til að þjónusta útlendinga. Þetta mun skapa fleiri hundruð ný störf og verulegar gjaldeyristekjur.

Fróðlegt væri að vita hvort aðrir þingmenn Samfylkingarinnar ætla að leggjast gegn þessari atvinnuuppbyggingu hér á Suðurnesjum.

Næsta laugardag fer fram prófkjör Sjálfstæðisflokksins í Reykjanesbæ. Það skiptir alveg gífurlega miklu máli að þátttaka verði góð og að Árni Sigfússon bæjarstjóri fái verulega góða kosningu í fyrsta sætið.Árni hefur verið mikill baráttumaður fyrir uppbyggingu atvinnulífs hér á Suðurnesjum. Það skiptir því miklu að allir sjái það svart á hvítu að Árni Sigfússon og Sjálfstæðisflokkurinn nýtur mikils traust í Reykjanesbæ.

Athugasemdir

[Jón Sveinsson, 22.2.2010 kl. 13:33]

Það færi betur ef sjálfstæðisflokkurinn fengi aftur hreinan meirihluta.