Landbúnaðarráðherra er verulega súr.

Alveg er það stórkostlegt hvað sumir menn taka sig hátíðlega og skilja illa létt grín. Að undanförnu hafa birst í sjónvarpinu skemmtilegar auglýsingar frá Símanum, þar sem sýndir eru nokkrir menn í lopapeysum með þorratrog fyrir framan sig. Ekki líst þeim of vel á matinn og nota tölvutæknina til að panta sér pizzu í óbyggðina.

Landbúnaðarráðherrann Jón Bjarnason er verulega súr yfir þessum auglýsingum og virðist líta á þetta sem freklega árás á íslenskan landbúnað og gamlar hefðir.

Einhvern á maður nú erfitt með að sjá að þorrabkót muni leggjast af vegna þessarar auglýsingar eða að hún muni draga úr neyslu á þorramat.

Flestir taka auglýsinguna sem létt grín og skemmtilegheit. Miðað við kynni mín af bændum finnst mér ótrúlegt að þeir líti á auglýsingu Símans sem árás á bændastétina, enda flestir bændur hinir ágætustu húmoristar.

Bændur og almenningur í landinu hefur örugglega miklu meiri áhyggjur af slæmri stöðu heimila og atvinnumála og dekurs ríkisstjórnarinnar við ESB aðild.

Það væri mun heppilegra fyrir Jón Bjarnason landbúnaðarráðherra að einbeita sér að þeim málum heldur en vera súr vegna saklausrar auglýsingar Símans.

Athugasemdir

[Sigurbjörg Eiríksdóttir, 1.3.2010 kl. 12:52]

Æææ. Mér finnst þessi auglýsing einmitt svo skemmtileg:)

[Hrólfur Þ Hraundal, 1.3.2010 kl. 14:22]

Munið þið eftir honum Vembil í Ívari Hlújárn, hann hafði húmor enda ekki landbúnaðar ráðherra, en hann var nú líka hirðfífl.