Jóhanna hlýtur að hætta eftir helgi.

Yfirlýsing Jóhönnu Sigurðardóttur,forsætisráðherra og formanns Samfylkingarinnar um að ætla að hunsa þjóðaratkvæðagreiðsluna er grafalvarlegt mál. Lýðræðið og að almenningur skuli fá að segja sitt álit á málunum er okkur dýrmætt. Kosningarétturinn er eitt það dýrmætasta sem við eigum.

Að forsætisráðherra landsins skuli ætla að hunsa þennan rétt er með ólíkindum.Hlusti fólk á Jóhönnu og mæti ekki á kjörstað mun það styrkja Breta og Hollendinga í að þvinga uppá okkur óviðunandi samningi.

Það er ótrúlegt að forsætisráðherra skuli hvetja þjóðina til að eyðileggja þessa kosningu. Vonandi verður mikil þátttaka í kosningunum á morgun og niðurstaðan verður afgerandi NEI. Það mun styrkja okkar stöðu.

Fyrst Jóhanna tekur þessa stefnu og verði þátttaka góð í kosningunum hlýtur hún að hætta í stjórnmálum strax eftir helgi.

Jóhanna ætlar ekki á kjörstað

Athugasemdir

[Gunnar Heiðarsson, 5.3.2010 kl. 10:40]

Ef hún gerir það ekki sjálfviljug verður þjóðin að sjá til þess að hún hætti.

[Ásthildur Cesil Þórðardóttir, 5.3.2010 kl. 10:59]

Sammála þessu, en svo er líka bæði um Steingrím og Össur.

[Njáll Harðarson, 5.3.2010 kl. 11:29]

Eigum við ekki að skjóta saman í flugmiða handa henni til London, aðra leiðina

[Sævar Guðbjörnsson, 5.3.2010 kl. 12:20]

Burt með Jóhönnu úr alþíngi!!  Sama gildir Steingrím, össur og fleiri í stjórninni.

[Sigurbjörg Eiríksdóttir, 5.3.2010 kl. 12:24]

Þarna fór hún endanlega með það!