Nú er ég hissa. Sparisjóður Vestmannaeyja ræðst á öryrkja og aldraða. Hvernig væri að upplýsa um afskriftir.

Já, mikið er ég undrandi á þeirri ágætu stofnun gegnum árin sem Sparisjóður Vestmannaeyja er. Nú skal ráðist gegn lögum sem sett voru til að hjálpa fólki í verulegum vandræðum. Og málið sem er notað er sem fyrsta mál er með ólíkindum. Að ætla að níoðast á öryrkja og háöldruðum aðila. Varla hægst að leggjast lægra.

Hvernig væri nú að Sparisjóður Vestmannaeyja upplýsti landsmenn um það hvort ekki hefði þurft að afskrifa einhverjar upphæðir og hjá hverjum það hefði verið gert.

Eigum við virkilega að horfa uppá það að eingöngu þeir sem skulda tugir milljóna,hundruði milljóna eða milljarða fái sínar skuldir afskrifaðar. En almenningur með litlu upphæðirnar skal hundeltur.

Vilja menn endilega fá uppreisn í landinu.

Í mál á hendur ábyrgðarmönnum

Athugasemdir

[Friðrik Jónsson, 11.4.2010 kl. 21:19]

Nú er það ekki einmitt það sem er búið að vera í gangi undanfarið ár,það sem er merkilegast er hvað fólk er blinnt fyrir því sem undan er gengið.

1.Hvað er búið að selja margar fasteignir ofan af láglaunafólki síðustu 12mánuði?

2.Hvað er búið að taka marga bíla og rukka svo fólkið um milljónir áfram?

3.Hver er munurinn á bankabók sem ríkið ákvað að ábyrgjast og við borgum eða að eignir í fasteign urðu að engu?

Albúginn verður látinn blæða enda búum við í réttarríkinu Íslandi.

[Árni Karl Ellertsson (IP-tala skráð) 11.4.2010 kl. 21:23]

Þetta er svívirðilegur og viðbjóðslegur görningur.

[Gulli (IP-tala skráð) 11.4.2010 kl. 22:06]

Kemur ekki á óvart.

 

Stjórnin (VG og SF) ákvað með lögum að taka verðmæti/eignir af fyrirtæki, þe. sparisjóði vestmannaeyja.

 

Ef stjórnvöld taka eignir af fólki/fyrirtækjum skapast þá ekki skaðabótaskylda??   

[Friðrik Jónsson, 11.4.2010 kl. 22:14]

Gulli allir bankar landsins sukkuðu með útrásarvíkingum og útgerðum og ég hef ekki séð annað en að ríkið hafi bjargað þeim öllum á okkar kostnað.

Og annað það er sama rassgatið undir þeim öllum sama hvort það sé,vg,sf,sjálfstæðisflokkurinn eða framsókn

[Sigurður Sigurðsson (IP-tala skráð) 11.4.2010 kl. 22:17]

Á þá samkv. Gulla almenningur að taka á sig eignaupptöku en ekki helv. bankabófarnir.

[Gunnar Borgþór Sigfússon, 11.4.2010 kl. 23:20]

Sæll Sigurður.

Þetta er skelfilegt,ef það verður ekki uppreisn láglaunamansins núna þá eiga Íslendingar ekki viðreisnar von. Þetta gengur ekki lengur.

Kveðja frá Heiðarbæ.

[Sigurður Jónsson, 11.4.2010 kl. 23:37]

já, það er furðulegt til þess að hugsa að Sparisjóður Vestmannaeyja skuli velja sér þennan tíma nánast uppá sama dag og rannsóknarskýrslan kemur út.

Fyrst Sparisjóðurinn fer þessa leið hljótum við að eiga heimtingu á hvaða einstaklingar og fyrirtæki hafa fengið afskrifað á síðustu árum.

Það gengur ekki að almenningur þurfi að horfa uppá afskriftir auðmanna, undanskoti á milljörðum frá skatti o.s.frv.

Á sama tíma gerist ekkert fyrir venjulegt fólk.

[gunnar (IP-tala skráð) 11.4.2010 kl. 23:43]

Þetta er fínt hjá lögmönnum Sparisjóðsins - nú byrjar ballið. Fyrst að greiðsluaðlögunin er hunsuð er ekkert annað í stöðunni en að brenna þessar stofnanir til grunna.

Ef alþýða þessa lands ætlar endalaust að láta valta yfir sig er engin tilgangur með að búa hérna.

[Gulli (IP-tala skráð) 12.4.2010 kl. 00:08]

Sælir aftur herramenn.

 

Ríkið bjargaði nú ekki bönkunum.  Allir stóru bankarnir fóru  á hausinn og hluthafar töpuðu öllu.  Núna er verið að gera upp þrotabúin.  Ríkið hinsvegar tók úr bönkunum ákveðnar innlendar einingar og gerði nýja banka.  Hvort það var rétt er nú önnur saga....

 

Ég vildi bara benda á, að skv. stjórnarskrá er eignarrétturinn varinn.  Þegar ríkið ákveður að taka eignir af fólki/fyrirtækjum með lögum mætti ætla að ríkið verði skaðabótaskylt.   Ef sparisjóðurinn afskrifar hluta af skuld hjá manni/fyrirtæki til að hindra gjaldþrot gerir hann það vegna sinna eigin hagsmuna (bankans).  Banki vill frekar fá eitthvað en ekkert.  Ef hinsvegar ríkið ákveður að gera eignir bankans upptækar hlýtur það að kalla á skaðabótamál. 

 

Sigurður, auðvitað verður almenningur  „látinn“ sæta eignaupptöku (og svosem ekki bara hér á íslandi).  Það var góðæri, eignaverð rauk upp.  Þetta á við fasteignir, land, verðbréf, hlutabréf og flest annað.  Flestallir íslendingar „græddu“ sýndargróða í plat-bólunni.  Eftir hrun hafa fasteignir okkar hafa lækkað.  Fólk sem átti hlutabréf tapaði öllu, og það voru aldeilis ekki bara einhverjir Víkingar.  Peningamarkaðssjóðir féllu um 30%.  Allir íslendingar hafa tapað lífeyrissjóðsréttindum.  Og svo framvegis.  Auðvitað borgum við brúsann.  Það eru engir aðrir. Það er frábært ef hægt er að endurheimta fé af Víkingunum, en það verður aldrei nema dropi í hafið. 

 

Það er einfaldlega kominn annar raunveruleiki núna eftir hrun.  Lífskjör eru ekki og verða kannski aldrei þau sömu og var.

 

En þetta er nú komið langt út fyrir þetta Vestmannaeyja mál...

[Sigurður Sigurðsson (IP-tala skráð) 12.4.2010 kl. 00:48]

Gulli ég er sammála því að þetta vestmannaeyjamál tekur út yfir allan þjófabálk. Hvernig eru þessir lögfræðingar innrættir spyr maður bara. Það á ekki að gefa þessu liði tommu eftir og brenna þennan banka upp í hvelli. Bankar eru ekkert annað en fólkið sem vinnur þar og það eru bara siðleysingjar sem hegða sér á þennan veg. Við þurfum ekki meira af siðlausu liði í bankastofnunum við höfum fengið nóg af því.

[Arnór Baldvinsson, 12.4.2010 kl. 05:46]

Gulli,

Hvaða eignir tóku stjórnvöld af SV?  Og hvað koma hugsanleg skaðabótamál því við að banki ákveður að fara EKKIað lögum sem eru í landinu?  Þessi lög eru í gildi og SV hefur ákveðið að brjóta lögin.  Einfalt mál.  Stefna sparibauknum fyrir lögbrot og fara fram á skaðabætur og skilyðrislausa brottvikningu stjórnenda sem ákveða upp á sitt einsdæmi að hunsa lögin í landinu.  Menn sem gera það eru kallaðir glæpamenn og eiga að hljóta hegningu.  Eða er búið að snúa öllu á haus þarna heima?:(

Kveðja,