Látið heimili Steingríms J. í friði.

Ég sá það á vef DV að til stendur að mótmæla fyrir utan heimili Steingríms J. fjármálaráðherra í kvöld.Það er fáránlegt að ætla að beina reiði sinni að heimili stjórnmálamanna. Það hreinlega gengur ekki að ráðast á friðhelgi heimila og fjölskyldunnar.

Það er sjálfsagt að mótmæla fyrir utan fjármálaráðuneytið,fyrir utan Alþingi,fyrir utan Seðlabankann og aðrar slíkar stofnanir.

Það er sjálfsagt að gagnrýna Steingrím J. hér á blogginu,í blöðum, á vinnustöðum o.s.frv.

En eitt þarf alveg að vera á hreinu. Fólk á að láta heimili stjórnmálamanna  í friði.

Athugasemdir

[Jón Ríkharðsson, 8.7.2010 kl. 22:23]

Sæl Sigurður.

Ég er þér innilega sammála. Þótt "hin tæra vinstri stjórn" sem Steingrímur er í forsvari fyrir sé á góðri leið með að vera ein sú versta síðan lýðveldið var stofnað, þá er það ekkert annað en ólíðandi villimennska að ráðast að heimilum fólks.

Stór hluti þessara mótmælenda eru eflaust hinir sömu og frömdu skrílslætin á Austurvelli. Þeim væri nær að mótmæla fyrir utan sín eigin heimili, því ríkisstjórnin er á þeirra ábyrgð.

Annars finnst mér að fólk sem lifir á tuttugustu og fyrstu öldinni ætti að vera orðið það upplýst og viti borið, að svona vitleysisgangur ætti að vera liðin tíð. Siðmenntuð samfélög notast við skoðanaskipti með penna og tungu, á friðsömum nótum.

[Sigurður Sigurðsson, 9.7.2010 kl. 01:00]

Heimili fólks er griðastaður og á að láta í friði.

Þetta mætti líka benda bankabófunum á í leiðinni

[jobb (IP-tala skráð) 9.7.2010 kl. 03:16]

Æi ég veit það ekki???

Hversu margir hafa verið bornir út af heimilum sínum, venjulegir Íslendingar, fólk með börn,,,,, er það í lagi? Ef þú berð titilinn stjórnmálamaður ertu þá friðhelgur? Þetta blessaða fólk er búið að selja sálu sína fyrir valdastóla, þessvegna held ég að  við verðum að ná ttil þeirra hvar sem til þeirra næst.

[Elle_, 9.7.2010 kl. 07:20]

Mér finnst þetta góður punktur hjá jobb.  Mótmæli geta líka verið þögul og mótmælendur ekki endilega skríll með læti.  Verst finnst mér ef börn lenda inn í milli.

[Eyjólfur G Svavarsson, 9.7.2010 kl. 10:46]

Heimili STEINGRÍMS   ekkert friðhelgara en önnur.

[Dingli, 9.7.2010 kl. 12:30]

Hér er ég þér sammála Sigurður. Tjáði mig um þetta framferði einhversstaðar á blogginu þegar setið var um heimili Guðlaugs og Steinunnar.

Röksemd jobb heldur engan vegin. Væri þá ekki nær að setjast að heimilum vörslusviptingarmanna og forsvarsmanna fyrirtækjanna sem þeir unnu fyrir,  og fóru langt út fyrir þær heimildir sem þeir höfðu. Hvað með ríkislögreglustjóra, sem ekki aðeins hunsaði lög með því að grípa ekki í taumana, heldur lét menn sína aðstoða lögbrjótana.

Hvernig á svo að hafa þetta? Ef einhverjum mislíkar gjörð einhvers, safnar hann þá saman hópi vina og sest um heimili viðkomandi? Eiga þeir sem þykja þessar aðfarir ekki réttlætanlegar að mótmæla við heimili mótmælenda?

Við vinnustaði og ráðuneyti, gott mál, en heimili fólks verða að fá að vera í friði. 

[Elle_, 10.7.2010 kl. 01:15]

Góðir punktar hjá Dingla líka.  Verð að játa það.  Vildi að Steingrímur gæti bara hagað sér eins og mennskur væri.