Verður Jón Bjarnason rekinn úr Vinstri stjórninni?

Í fjölmiðlum er nú rætt um að tíðinda megi vænta af mannabreytingum í Vinstri stjórninni öðru hvoru megin við helgina. Talið er nokkuð víst að Jón Bjarnason,landbúnaðar-og sjávarútvegsráðherra verði að taka pokann sinn. Samfylkingarforystan hefur talað þannig um Jón á opinberum vettvangi að með ólíkindum er. Má þar sérstaklega nefna Jóhönnu og Össur. Það vekur einnig furðu að Steingrímur J.formaður Vinstri grænna skuli láta þetta yfir sinn mann ganga.

Nú er það spurningin hvort órólega deildin í VG ætlar að kyngja því hljóðalaust að Jón verði látinn fjúka eða fær kannsi Ögmundur ráðherrastól aftur og allir verða kátir nema Jón.

Svo velta margir fyrir sér hvort Ragna dómsmálaráðherra verði að yfirgefa stólinn. Það væri svo sem eftir öðru hjá Vinstri stjórninni að sá ráðherra sem mesta trausts nýtur verði settur út.

Og til að kóróna vitleysuna er svo líklegt að Gylfi viðskiptaráðherra sitji áfram í sínum ráðherrastól.

 

Athugasemdir

[corvus corax, 25.8.2010 kl. 14:50]

Mér sýnist Jón Bjarnason halda sig nákvæmlega við ákvæði stjórnarsáttmálans en það má sjálfsagt ekki af því að Steingrímur Joð er búinn að selja sál sína skrattanum í Evrópumálunum. Og ef Gylfi verður áfram getum við alveg eins grafið upp gamla biskupinn og sett hann aftur í jobbið svo gáfulegt sem það er nú!

[Óðinn Þórisson, 25.8.2010 kl. 16:50]

Steingrímur J. Sigfússon formaður vg og frjármálaráðherra sagði á sínum tíma að EKKERT skipti hann meira máli en völdin -

Mun Steingrímur fórna Jóni fyrir stólinn ?

vg hefur sett hugsjónir sínar og skoðanir til hliðar fyrir völd -