Á að ákæra og draga Steingrím J. og Jóhönnu fyrir landsdóm vegna embættisafglapa í Icesave?

Vinsælast á Alþingi núna er hengingaleikru. Atlanefndin leggur mikla áherslu á að nokkrir fyrrverandi ráðherrar verði dregnir fyrior landsdóm. Örugglega hafa þessir embættismenn eins og aðrir gert mistök og ekki tekið réttar ákvarðanir. Ég er samt viss um að allir þessir ráðherrar töldu að þeir væru að vinna eins og best þeir gætu fyrir þjóðina. Hvar endum við ef ráðandi stjórnvöld ætla að beita þeirri aðferð að draga menn fyrir landsdóm telji þeir menn hafa tekið rangar ákvarðanir.

Alveg eins má segja að draga beri Steingrím J. og Jóhönnu fyrir landsdóm vegna embættisafglapa þeirra varðandi Icesave. Þau ætluðu að láta almenning í landinu greið miklu,miklu meira heldur en niðurstaðan verður. Er það ekki ámælisvert?

Ég er samt alveg sannfærður um að þau töldu sig á þeim tíma að vera að gera rétt og það væri best fyrir íslensku þjóðina. Þess vegna á ekki að draga þau fyrir landsdóm.

Þau munu þurfa að verja sínar aðgerðir fyrir kjósendum.

Það gengur ekki að menn ætli að beita pólitískum meirihluta til að draga menn fyrir landsdóm, þótt finna megi að ákvörðunum eða að ekki var tekin ákvörðun.

Það er lítill sómi að vinnubrögðum Atla Gíslasonar og félaga hans í þessu máli.

Icesave deilan upp á borði

Athugasemdir

[Auðun Gíslason, 17.9.2010 kl. 14:48]

Þú hlýtur þá að geta sett fingurinn á einhver atriði sem þú vilt draga Steingrím og Jóhönnu fyrir, drengur minn!  Þú nefnir einhver atriði almenns eðlis, sem ekki er nóg!

Niðurstaða Atla-nefndarinnar byggir á skýrslu Rannsóknarnefndar Alþingis.  Auk þess er Ingibjörg nefnd vegna starfsvenja í samsteypustjórnum.

En, Siggi minn, veistu nokkuð vegna hvaða tilteknu atriði Atla-nefndin telur að draga eigi ráðherrana fyirir Landsdóm?  Þessi nefnd var kosin af Alþingi til að vinna ákveðið verk.  Nú hefur nefndin skilað því verki.  Þú hefðir kannski viljað að nefndin  hefði ekki verið kosin eða hún hefði ekki skilað því verki sem hún var kosin til?  Og hvað hefðir þú sagt þá?  Eða er bara af því að ráðherrar Sjálfstæðisflokksins eru nefndir til, sem þú ert svona fúll?  Kannski viltu ekki að hér verði neitt uppgjör?

[geir (IP-tala skráð) 17.9.2010 kl. 16:19]

Landráð og landssölu til erlendra ríkja, undirgefni við erlend ríki og fyrir að reyna að koma íslendingum í áratuga skuldaklafa með því að semja við erlend ríki um að borga svívirðilega kröfu sem á ekki stoð fyrir sér.

Þetta er einungis toppurinn á ísjakanum.

Viltu ekki vera svo vænn auðun minn að hætta að berjast á móti landi þínu og samlöndum eða að drulla þér úr landi!

[Auðun Gíslason, 17.9.2010 kl. 18:08]

Ég hef aldrei barist gegn landinu mínu!  Og þú hefur engin tök á að vísa nokkrum manni úr landi!  Ég hef og mun áfram berjast gegn bulli með leiðinlegum skrifum og athugasemdum við bullið!

[Rúnar (IP-tala skráð) 17.9.2010 kl. 18:36]

Þú er kannski búinn að gleyma hverjir skrifuðu fyrstir undir  Icesave samninginn og hverjir urðu til þess að koma okkur í stöðuna.

Þú fullorðinn maðurinn bullar og bullar eins og heiladofinn Sjalli. 

[Óðinn Þórisson, 17.9.2010 kl. 21:02]

Það er ekkert annað en eðlilegt að draga sjs og js fyrir dóm fyrir Icesave klúðrið - 94% þjóðarinnar hafa hafnað þeirra vinnubrögðum í Icesave málinu -

[Snæbjørn Bjornsson Birnir (IP-tala skráð) 17.9.2010 kl. 23:01]

Verðurðu aldrei leiður á þessu væli þínu Sigurður..? Þú "hljómar" eins og smákrakki....."akkúru má hann, en ekki ég"..?? :-/

[Sigurður Jónsson, 17.9.2010 kl. 23:30]

Það er eins og sumir hafi ekki lesið það sem ég skrifaði, en gera samt athugasemdir. Ég tók það einmitt fram að mér finnst ekki að draga eigi Steingrím J. og Jóhönnu fyrir landsdóm. Þau gerðu mistök, nákvæmlega eins og fyrri ráðherrar. Hvar endum við ef það verður venjan að ákæra ráðherra  og senda fyrir dóm. Hver er staða Svandísar umhverfisráðherra núna eftir að hún hefur fengið dóm. Hvað vill þingið gera við hana?

[Helgi (IP-tala skráð) 18.9.2010 kl. 07:55]

Sæll.

Ég sé að sumir hér halda að Sjálfstæðismenn séu ósáttir vegna þess að fyrrum ráðherrar flokksins séu nefndir til sögunnar. Ef svo væri held ég að þeir myndu bara vilja hengja Sf ráðherrana. Einnig er mjög ámælisvert hvernig Jóhanna og Steingrímur hafa hegðað sér varðandi Icesave þó það sé vart glæpsamlegt eins og þú bendir á. Einnig hefur verið á það bent að Jóhanna og fleiri innan Sf voru nú heldur betur með puttana í öllu saman og geta ekki látið eins og þau sé með alveg hreinan skjöld:

http://www.amx.is/fuglahvisl/15635/

Fyrst þegar skrifað var undir Icesave voru aðstæður allt aðrar en nú, við fengum allt ESB á bakið og menn hótuðu að loka á öll viðskipti við okkur. Það er óumdeilt, við stóðum frammi fyrir því að skrifa undir eða að lokað yrði á öll viðskipti við okkur. Síðan hafa aðstæður breyst og ESB elítan hefur ákveðið að fylgja þeim reglum sem um þetta gilda, það er vel þó seint sé.

Ég held að nánast allir löglærðir menn séu ekki hrifnir af Landsdómsleiðinni og telji hana í raun ófæra vegna hugmynda manna nú um hvað teljist réttarríki. Þess vegna er skrýtið að lögmaðurinn Atli skuli vilja fara þessa leið. Jóhanna sagði hvort eð er að þessi nefnd hefði verið sett á laggirnar til að friða almenning og það segir allt sem segja þarf. Að auki er ekki ákært til að menn megi "hreinsa" mannorð sitt eins og sumir æðstu ráðamenn virðast halda, það er ákært ef menn telja miklar líkur á sakfellingu. Ef ákært yrði svo fólk gæti "hreinsað" mannorð sitt þyrfti að snarfjölga dómurum og flest ef ekki öll mál sem upp kæmu enduðu fyrir dómstólum. Slíkt væri einnig misbeiting ákæruvalds og slíkt er algerlega óviðunandi. Ég held að niðurstaða Atla-nefndarinnar sé að verulegu leyti af pólitískum toga:

http://www.amx.is/fuglahvisl/15663/

Svo er annað, Rannsóknarnefnd Alþingis segir að bankarnir hafi í raun verið dauðadæmdir 2006 og hefur enginn hrakið þá staðhæfingu. Hvers vegna eigum við þá að draga einhverja ráðherra til ábyrgðar fyrir eitthvað sem þeir gerðu eða gerðu ekki 2008? Ráðherrar og þingmenn eiga ekki að sæta ábyrgð vegna óábyrgrar hegðunar stjórnenda einkafyrirtækja. Ef einkafyrirtæki eru illa rekin eiga þau að fá að fara á hausinn og markaðurinn á að fá að grisja eins og gerst hefur nú bæði hérlendis og erlendis. Ég vona að vinna sérstaks saksóknara fari að skila einhverju fljótlega og óskandi að skilanefndir fleiri en Glitnis reyni að láta fyrrum stjórnendur/eigendur/endurskoðendur bankanna sæta ábyrgð. Ábyrgðin liggur hjá bönkunum vegna þeirra hegðunar en ekki hjá ráðherrum.