Vinstri grænir skora á forystuna að standa við ESB stefnu VG. Steinrímur J. þingmaður og Steingrímur J.ráðherra ekki sami maðurinn.

Eitt hundrað dyggir stuðningsmenn VG hafa nú sent þingflokknum áskorun um að flokkurinn standi við stefnu sína í ESB málunum. Það hlýtur að vera svolítið sérstakt að flokksmönnum skuli svo blöskra svik forystu VG í ESB málum að þeir telja sig knúna til að senda áskorun um að VG standi við sín eigin kosningaloforð.

Að forysta VG skuli sitja og láta það yfir sig ganga að við erum á fullu í aðlögun að ESB. Var það virkilega það sem VG boðaði fyrir síðusu kosningar.

Annars er þetta ekki eina dæmið um algjöran viðsnúning hjá forystu VG. Í gær spilaði Bylgjan ræðubút úr ræðu Steingríms J. frá því í okt.2008. Steingrímur J. var þá þingmaður og í stjórnarandstöðu. Þá varaði hann sérstaklega við því að Íslendingar færu að bera ábyrgð á Icesave skuldbindingum Þá talaði Steingrímur J. aldeilis gegn AGS.

Nú talar enginn eins mikið um að við verðum að greiða Icesave eins og Steingrímur J. Nú talar enginn eins mikið um að við verðum að hafa AGS eins og Steingrímur J.

Já það er ekki sama að vera þingmaður eða ráðherra.

Það er eðlilegt að hinum venjulega flokksmanni VG blöskri hversu hressilega forystan hefur svikið sína eigin stefnu.

Skorað á þingflokk VG að fylgja ESB-stefnu flokksins

Athugasemdir

[Loftur Altice Þorsteinsson, 23.10.2010 kl. 00:41]

   

Loksins – loksins – loksins eru Vinstri-Grænir, að stöðva brjálæðingana sem komist hafa í valdastóla á Íslandi. Ekki er seinna vænna, því að þessi helvítis ríkistjórn hefur í 20 mánuði ekkert gert nema skaða. Þessa landráðamenn verður að hrekja úr stjórnarráðinu og þeir mega aldreigi aftur komast í aðstöðu til að svívirða almenning og saurga Stjórnarskrá landsins.

 

Vinstri-Grænir bera því við að aðstæður hafi breytst, almenningur hafi verið blekktur og aðlögun að Evrópuríkinu hafi tekið við af aðildar-samningum. Auðvitað er þetta ekki rétt, því að alltaf var vitað hvernig staðið yrði að innlimun landsins. Sömu aðferð hefur verið beitt í mörgum núverandi löndum ESB. Hins vegar bera að fagna, að flestir VG-liðar hafa loks áttað sig á blekkingunum.

 

Núna þarf þjóðhollt fólk í öðrum flokkum að fylgja eftir þessu frumkvæði VG og hrinda atlögu Sossanna að sjálfstæði landsins. Draga verður til baka umsóknina um innlimun og jafnframt að gera Evrópuríkinu ljóst að Íslendingar ætla ekki að lúta í gras fyrir Icesave-kröfum nýlenduveldanna. Íslendingar ætla ekki að verða útkjálki í Þriðja ríkinu.

 

 

[Jón Valur Jensson, 23.10.2010 kl. 00:57]

Takk fyrir pistilinn, Sigurður. Og líka þetta að horfa smá-tíma til baka:

Já, Steingrímur er mikil skopparakringla. Það er auðvelt að komast að raun um það með því að skoða þessa bráðskemmtilegu blogggrein hjá Elle í Þjóðarheiðri: STEINGRÍMUR STJÓRNARANDSTÆÐINGUR.

[Sigurður Haraldsson, 23.10.2010 kl. 03:31]

Samála nafni við þetta verður ekki unað og þökk sé fólkinu í VG sem unnir enn þjóð sinni og lýðræði!

[Óðinn Þórisson, 23.10.2010 kl. 09:46]

Fólk sem styður vg og er í vg hefur alltaf sagt að vg sé mjög stefnufastur stjórnmálaflokkur með hugsjónir sem ekki verður kvikað frá - foysta vg hefur aldeilis svikið það og spurning hvort grasrót vg geti breytt þessum hugsunarhætti forystu vg