Ósmekkleg fyrirsögn með myndskeiði úr ræðu á mbl. um Ásmund.

Gott hjá Ásmundi bæjarstjóra í Garði að biðjast afsökunar á óheppilegu orðavali þegar hann ræddi um Steingrím J. Reyndar er það ekkert nýtt að Eyjamenn þurfi að biðjast afsökunar á þessu kellingartali sínu. Í sumar varð Tryggvi Guðmundsson að biðjasta afsökunar á því að ÍBV stóð sig ekki nógu vel í einum leiknum. Tryggvi sagði þá að liðið hefði spilað eins og Kellingar,en baðst svo afsökunar.

En það er eðlilegt að hiti sé mikill í Suðurnesjamönnum í garð Vinstri stjórnarinnar því staða m´ðala er þannig.

Annars finnst mér fyrirsögnin hér á mbl. með myndskeiðinu úr ræðu Ásmundar ansi ósmekkleg. Fyrirsögnin er: " Kellingaræða  hins klikkaða karls- Ásmundar Friðrikssonar."

Ef þingmenn og ráðherrar Samfylkingar og Vinstri grænna taka virkilega á málum Suðurnesja er ekki nokkur hætta á að menn noti ósmekkleg orð í þeirra garð.

 

Ásmundur biðst afsökunar

Athugasemdir

[Nonnsimann (IP-tala skráð) 31.10.2010 kl. 21:50]

Sammala thessu med ad fyrirsognin a myndbandinu se osmekkleg, tek eftir thvi ad YouTube-myndbandid er thar geymt a vegum Vikurfretta en ekki Moggans.

[Guðmundur Jóhannsson, 31.10.2010 kl. 22:25]

Hvaða merking er í orðtakinu "klikkaður karl" karlfyrirlitning?

[Hilmar Bragi Bárðarson (IP-tala skráð) 31.10.2010 kl. 22:27]

Myndbandið á YouTube er afritað þangað af einstaklingi sem sótti ekki sérstakt leyfi til þess hjá Víkurfréttum. Víkurfréttir hýsa upprunalega myndskeiðið á meðfylgjandi slóð:

 http://vf.is/VefTV/46283/default.aspx

Ósmekkleg fyrirsögnin sem birtist á YouTube-útgáfunni er því ekki Víkurfrétta, heldur virðist hún koma frá Láru Hönnu Einarsdóttur, en YouTube-færslan leiðir mann þangað.

[Sigurður Jónsson, 31.10.2010 kl. 23:50]

Gott að þetta kemur fram.Ég átti erfitt með að trúa að mbl eða Víkurfréttir notuðu svona fyrirsögn.

[Jóhann Elíasson, 1.11.2010 kl. 05:22]

Ég hef ekki enn fengið botn í það hvers vegna maðurinn þurfti að biðjast afsökunar.   Hann notar þarna alþekkta Íslenska frasa.  Þegar við strákarnir vorum að gera einhvern óskunda af okkur í gamla daga og ef einhver heyktist á verkefninu var sagt við hann: "Hvað þorir'u ekki, þú ert nú meiri kellingin".

[Ólafur Ingi Hrólfsson, 1.11.2010 kl. 05:38]

Tek undir með Jóhanni - veit ekki hversvegna hann baðst afsökunar - þetta er málnotkn sem hefur ekkert með konur að gera - hugarfar Láru Hönnu er hinsvegar samt við sig -

Hún virðist sjá ýmislegt með öðrum gleraugum en flestir aðrir - ætli girðingastaurar virki klámfengnir á hana? Nú eða holur í malbiki?

Margt í orðfari hestamanna hlýtur þá að virka á hana sem argasta klám.

Reiðleiðir - reiðbuxur - ríða við einteyming - hópreið - að ríða berbakt - ríðandi til Þingvalla .................................

Og ekki ætti hún að lesa gamlar frásagnir þar sem m.a. má finna "dónaskap" á borð við þann að konur buðu gestum klofið ( sem þýddi það að molasykur var klipptur í tvennt fyrir gestinn) .

Það kostar klof að ríða röftum = erfið verk reyna á mann.

Allt er þetta spurning um málvenjur og þurfti bæjarstjórinn ekkert að biðjast afsökunar.

Eðlilegt að hann sé ekki sáttur (frekar en aðrir landsmenn ) með framgöngu VG í málum Suðurnesjamanna - og reyndar annara landsmanna.

[Vendetta, 1.11.2010 kl. 11:01]

Ólafur, það er vitað mál, að femínistar þola eki kjarnyrt mál, ekki einu sinni frá gamalli tíð. Femínistafélagið  lét stöðva útgáfu forlagsins Eddu á málsháttarbók fyrir nokkrum árum. Fólk, sem unnir tjáningafrelsi, líkti þessu réttilega við bókabrennu nazista, enda eru öfgafemínistar stundum umtalaðar sem femínazistar.

Það sem fór fyrir brjóstin á þeim voru gamlir, rótgrónir málshættir, sem innihéldu tilvísanir til kvenna eða voru karllægir á einhvern hátt. Ef þær fengju ráðið einhverju, væri stunduð sögufölsun og settur kynjakvóti í hvívetna í íslenzkt mál. Öllum málsháttum yrði breytt eftir þeirra höfði. Þannig yrði málshættinum Maður er manns gaman breytt í Kona er manns gaman.

Annars skil ég ekki hvað stjórn Eddu gekk til að stöðva útgáfu bókarinnar. En þetta sýnir bara hversu mikil ógn öfgafemínisminn er orðinn í íslenzku þjóðfélagi. Og á meðan til eru gungur í áhrifastöðum sem taka mark á þeim, þá fá þær stöðugt meiri völd.

[Haukur (IP-tala skráð) 1.11.2010 kl. 11:40]

Ég taldi að fyrirsögninni væri ætlað að gera grín að femínistum og Andra Snæ.