Bjarni bar af í Silfri Egils.

Í Silfri Egils í dag mættu Bjarni formaður Sjálfstæðisflokksins, Árni Páll,viðskiptaráðherra og Lilja Mósesdóttir þingmaður Vinstri grænna. Rætt var um lausnir til að komast á beinu brautina og útúr efnahagsvandanum.

Það var virkilega ánægjulegt að heyra hversu vel ígrundaðar tillögur Sjálfstæðismanna eru um uppbyggingu í atvinnulífinu, hvernig koma má í veg fyrir skattahækkanir og hversu skynsamlegt það er að afturkalla skattahækkanir Vinstri gænna.

Bæði Árni Páll og Lilja sátu hálf vanræðaleg í Silfri Egils enda hafa hvorki Samfylkingin eða Vinstri grpnir sett fram nokkra stefnu um lausn mála.

Vinstri stjórnin hefur rúman meirihluta á bak við sig en hefur samt sem áður ekki geta náð saman um nein úrræði til hjálpar illa stöddum heimilum eða að koma atvinnulífinu í gang.

Það er m.a.s. svo komið að þingmaður og fyrrverandi ráðherra Samfylkingarinnar lýsir því yfir að þjóðin komist ekki út úr vandanum með niðurskurði,skattahækkunum og stöðnun í atvinnulífinu.

Mikið rétt hjá Kristjáni, en þetta sem hann nefndi er samt aðalinntakið hjá Vinstri stjórninni. Fleiri og fleiri sjá að það mun lítið þokast upp á við verði Jóhanna og Steinrímur J. áfram við stýrið á þjóðarskútunni.

Tekist á um atvinnumál í Silfri Egils

Athugasemdir

[Oddur Ólafsson, 7.11.2010 kl. 15:07]

Ég sá nú ekki Silfrið en Bjarni var eiginlega flengdur á Sprengisandi í morgun.

[Rafn Gíslason, 7.11.2010 kl. 15:53]

Ekki sá ég þann yfirburð Sigurður. Ég er heldur ekki viss að sunnlendingar taki undir hugmyndir Bjarna og félaga hans á Reykjanesi að orkan úr þjórsá fari til uppbyggingar þar. Hvaða orku hafa men svo hugsað sér að nota til uppbyggingar hér á suðurlandinu þegar til þess kemur? eða er það svo að sunnlendingar geti étið það sem úti frís og geti horft á eftir orku úr fjórðungnum flutta til uppbyggingar annarstaðar og látið sér það að góðu verða.

[Guðjón Sigþór Jensson, 7.11.2010 kl. 16:09]

Aðalpunktarnir hjá BB er enn meiri stóriðja. Eru gamaldags úrræði enn vinsælust meðal íslenskra íhaldsmanna?

Mosi

[Þórður Sigurjónsson (IP-tala skráð) 7.11.2010 kl. 16:32]

Lilja var ein aðilinn sem talaði af viti. Bjarni og Árni töluðu í pólitískum frösum, hrein og bein steypa sem þjónar ekki almannahagsmunum. Lilja er fagmaður í fingurgóma, veit hlutina þegar efnhagsmál eru annars vegar, enda doktor í hagfræði.

[Shepherd (IP-tala skráð) 7.11.2010 kl. 16:48]

Það vantar alltaf einn þátt inn í þessi orkumál. Það er hvernig við ætlum að leysa okkar eigin orkuþörf í samgöngumálum hér innanlands þegar jarðefnaeldsneyti verður þrotið/ókaupandi vegna verðs eftir 10 - 20 ár. Þá verður ef íhaldið fær ráðið búið að ráðstafa öllum hagstæðustu orkuvinnslutækifærum til langs tíma í þágu álbræðslu. Fyrir nú utan áhættuna af að hafa öll eggin í sömu körfunni.

[Axel Jóhann Hallgrímsson, 7.11.2010 kl. 17:09]

Sínum augum lítur hver silfrið, verð ég að segja.

[Jón Steinar Ragnarsson, 7.11.2010 kl. 18:08]

[Sindri Karl Sigurðsson, 7.11.2010 kl. 18:22]

Ég verð að segja að minn hlátur snýst meira um athugasemdir ykkar en það sem var í Silfrinu. Versta er að ég fæ hroll með hlátrinum...

[Númi (IP-tala skráð) 7.11.2010 kl. 21:07]

Bjarni Vafningur Benediktsson,kom afar kjánalega þarna út,og hann var í sífellu að minnast á verkfæratöskuna,sem hann segist eiga eftir að draga ýmislegt út úr til viðgerða á þjóðfélaginu.! Já blessaður Vafningurinn,og nú er það verkfærakistan hans,,,,,hvað verður næst hjá þessum bissnesmanni.

[Númi (IP-tala skráð) 8.11.2010 kl. 00:35]

Nú tókst þér heldur betur að plata okkur þú Sigurður Jónsson síðuskrifari,auðvitað ertu bara að grínast.