Vilja 92% Framsóknarflokkinn í ríkisstjórn?

Stundum eru niðurstöður í könnunun svolítið einkennilegar. Nú er því slegið upp að 38% vilji ekki Sjálfstæisflokkinn í ríkisstjórn. Þrátt fyrir þetta nýtur Sjálfstæðisflokkurinn 35% stuðnings meðal kjósenda.

Aðeins um 8% vilja ekki Framsóknarflokkinn í rísstjórn samkvæmt þessari könnun. Ef draga á þá ályktun að 92% kjósenda vilji hafa Framsókn í ríkisstjórn ner merkilegt að flokkurinn skuli ekki njóta nokkurs fylgis meðal kjósenda.

Merkilegt væri einnig að sjá niðurstöðu ef spurt hefði verið, hvaða flokk vilt þú hafa í ríkisstjórn.

Það gæti orðið fróðlegt að bera þessa niðurstöðu saman við það sem kæmi út væri spur um óska flokk í ríkisstjórn.

Flestir vilja ekki Sjálfstæðisflokkinn í stjórn

Athugasemdir

[Jökull Torfason (IP-tala skráð) 18.11.2010 kl. 17:38]

Ekki misskilja spurninguna...

Þó svo 7,8% vilji síst framsókn þýðir það alls ekki að 92% vilji framsókn í ríkisstjórn.... það gefur augaleið og annað er út úr snúningur.

38% vilja EKKI Sjálfstæðisflokkinn og 35% styðja flokkinn... Það sýnir og sannar að það eru mjög skiptar og ýktar skoðanir á Sjálfstæðisflokknum þar sem einungis 27% eru hvorki hlynntir né alfarið á móti flokknum.

Framsóknarflokkurinn verður mjög oft upp á milli hluta þegar svona spurningar eru bornar fram á borð þar sem margir hafa ekki einu sinni fyrir því að fara upp á móti honum þar sem hann er bara eins og ryð á Alþinginu. Hinsvegar er ég alveg sammála þér að það væri fróðlegt að bera þessar niðurstöður saman við þær hvað flokka fólk langar til þess að sjá í ríkisstjórn. Miðaða við ástandið í dag þá tel ég samt að þær niðurstöður myndu ekki endurspegla vilja þjóðarinnar, ef sá vilji er fyrir hendi aðrar en bara miklar breytingar.

Það kemur mér á óvart, þar sem þú skrifar um þig að þú sért reynslumikill í blaðaskriftum og pólitík, að þú skyldir taka niðurstöður úr þessari rannsókn og reyna að snúa út úr þeim til að gera þær ótrúverðugri. Ef þú hugsar betur út í spurninguna og tölurnar sem úr þeim komu þá eru nú engin geimvísindi að fatta að Framsóknarflokkurinn hefur ekki 92% fylgi.

[Árni Gunnarsson, 18.11.2010 kl. 18:15]

Ég er nú dálítið sammála síðuritara í því að þessi skoðanakönnun er nú meira í brandarastílnum en algengt er að sjá. Og er þó margt skondið á ferðinni síðustu missirin í pólitísku efni.