Tólf nefndarmenn fá 460 milljónir. Launajöfnunarstefna Jóhönnu í verki?

Fyrir nokkrum mánuðum birist Jóhanna Sigurðardóttir,verkstjóri Vinstri stjórnarinnar, ábúðarfull á blaðamannafundi og fór fögrum um þá launajöfnunarstefnu sem hún hefði ákveðið að ætti að gilda í landinu. Enginn skyldi hafa hærri laun en forsætisráðherrann þ.e. 935 þús. kr. á mánuði.

Það vekur því furðu að sjá fréttir um að nefndarmenn í skilanefndum gömlu bankanna skuli vera með uppí rúmar 60 milljónir á ári fyrir þá vinnu. Er þetta jöfnunarstefnan í reynd?

Fyrir nokkru var upplýst að ríkisstofnanir og jafnvel ráðuneytin sjáls hefðu á engan hátt hlustað á Jóhönnu. Á þessum stöðum væru margir með hærri laun en forsætisráðherrann.

Tal Jóhönnu og yfirlýsingar um launajöfnuðinn í þjóðfélaginu er eins og annað frá henni innantómt blaður.

Athugasemdir

[Jón Óskarsson (IP-tala skráð) 7.1.2011 kl. 17:48]

Hélt það væru kröfuhafar sem greiddu launin en ekki ríkisstjórnin. 

Sum sé erlendir bankar og fleiri sem eru þarna launagreiðendur.

[Sigurgeir Árnason. (IP-tala skráð) 7.1.2011 kl. 17:56]

Ætli ástæðan sé ekki að í skilanefndinni eru lögfræðingar eða endurskoðendur, lögfræðingarnir eru ekki vanir að vera ódýrir í rekstri, eru með ca. 20.000 þúsund á klst. sem er svipað gjald og 60-70 tonna beltagrafa er með á klst. Þannig að engann þarf að undra þó skilanefndirnar séu þjóðinni dýrkeyptar. Staðan er þannig í þjóðfélaginu að það er stórvertíð hjá lögfræðingum.