75% Sjálfstæðismanna ætla að segja NEI við Icesave.

Eftir því sem dagarnir líða og staðreyndirnar eru lagðar á borðið varðandi Icesave fjölgar þeim stöðugt sem ætla að segja NEI á laugardaginn. Merkilegt er að sjá í skoðanakönnun Stöðvar 2 að 75% Sjálfstæðismanna ætla að segja NEI. Þetta er mjög athyglisverð niðurstaða þar sem formaðurinn og margir af forystumönnum segjast ætla að segja já.

Það er liðin sú tíð að stjórnmálaforingjar geti gefið út tilskipun um það hvað fólk eigi að gera. Það er reyndar einna helst að það þekkist í Samfylkingunni að allir geri eins og þeim er sagt. Sem betur fer skoðar grasrótin í Sjálfstæðisflokksins málin og metur kosti og galla og greiðir svo atkvæði eftir sinni sannfæringu.

Forystumenn flokksins hefðu að sjálfstögðu átt að muna eftir mjög einaðri afstöðu síðasta Landsfundar Sjálfstæðisflokksins,sem hafnaði því alfarið að við ættum að greiða löglausar kröfur Breta og Hollendinga. Það er fráleitt að íslenskur almenningur þurfi næstu áratugina að taka á sig skuldbindingar sem einkabanki stofnaði til. Hvers vegna í óskupunum ættu Íslendingar að taka alla ábyrgðina á sig varðandi Icesave. þessir Icesave reikningar voru stofnaðir með fullu samþykki Breta og Hollendinga.

Íslenskur almenningur mun segja NEI á laugardaginn.

57% ætla að segja nei

Athugasemdir

[Óskar Aðalgeir Óskarsson, 7.4.2011 kl. 00:19]

Já kæri Sigurður,hvernig skyldi nú formanninum líða,með 75% flokksmanna á móti sér?

[Ásthildur Cesil Þórðardóttir, 7.4.2011 kl. 00:52]

Svona til gamans. sérstaklega endirinn.

http://islandsfengur.blog.is/blog/islandsfengur/entry/1156846/#comment3133559

[Már (IP-tala skráð) 7.4.2011 kl. 02:07]

Loksins kom sú stund að maður getur verið stoltur af sjálfstæðismönnum. Hættir að fylgja forustusauðunum í blindni eins og oft áður

Vonandi verður þetta raunin.

[Gunnar Heiðarsson, 7.4.2011 kl. 08:25]

Sæll Sigurður.

Þetta er vonandi merki um nýja og betri tíma í Íslenskum stjórnmálum, að fólkið sé loks að taka yfir stjórnmálaflokkana. Það væri óskandi að flokksveldið sé að víkja og fólkið sem í flokkunum er sé að fá völd, að það sé loks að sjá fram á það að gildin sem flokkarnir standa fyrir verði tekin fram fyrir hagsmuni flokksforustunnar. Það væri þá alla vega eitthvað gott sem kæmi út úr hruninu.

Að vísu mun foringjaveldið aldrei yfirgefa Samfylkinguna, sama hversu óhæfur foringinn er, þá fylgja flokksmenn honum í blindni! Það sem mun verða þeim flokki að falli er foringjaskortur, því þó flokksmenn fylgi hverjum þeim sem kemst í þá stöðu, þá munu aðrir kjósendur snúa baki við þeim flokk.

[Kristinn M (IP-tala skráð) 7.4.2011 kl. 08:25]

Bjarni Vafningur er búin að vera, og þótt fyrr hefði verið.

Nú þarf hann bara að pakka niður og taka sína sjalla og kúlur sem voru með honum í ráðabrugginu, beint í kosningar og nýtt fólk á alþingi strax áður en illa fer

Nei við Iceslave 3 á laugardaginn, annað er ekki verjandi og svo eru ASI og atvinnurekendur með hótanir í lýðfrjálsu, í hvað landi erum við eiginlega <??

[Gunnar Heiðarsson, 7.4.2011 kl. 08:28]

Það er ljóst, hvernig sem kosningin á laugardaginn fer, að þeir þingmenn sem kusu um icesave gegn sínum hjósendum og sérstaklega þeir sem mest hafa reynt að verja þá ákvörðun sína, munu þurfa að standa skil þessarar ákvörðunar fyrir sínum kjósendum. Það mun verða uppgjör.

[Samfélagsrýnirinn (IP-tala skráð) 7.4.2011 kl. 09:38]

Já, þetta er merkilegt og verðugt rannsóknarefni fyrir mannfræðinga, sálfræðinga, heimspekinga, félagsfræðinga, alla sem hafa áhuga á krókaleiðum mannshugans. Sértrúarsöfnuðurinn Samfylkingin meginþunginn í hvers dogma hvílir á hugmyndinni um "hinn alilla satan/Davíð Oddsson" og "hina vondu Sjálfstæðismenn" sem er réttlæting allra þeirra gjörða samkvæmt hinu forna leikskólalögmáli "Já, en hann byrjaði!!!" og hinu fornkveðna "En hann er búinn að hrekkja ennþá meira en ég, svo ég er góð!"...........og "En hann hrinti mér árið sautjánhundruð og súrkál, herra kennari!"........hefur með því að flykkja sér fyrst og fremst utan um sameiginlegan "óvin" frekar en hugsjón, breyst í þennan óvin sinn, nákvæmlega þá útgáfu sem hann var í þeirra eigin huga. Þetta er ekki í fyrsta sinn sem þetta gerist og er þekkt og gamalt mannlegt lögmál. Svona fer fyrir þeim sem sameinast í hatri sínu.

Það eru líka gleðifréttir að Sjálfstæðismenn hafi á meðan breyst frá steríótýpu sinni í huga Samfylkingarmanna um hlýðna og undirgefna Sjálfstæðismanninn sem tekur við skipunum frá yfirboðara sínum. Í dag stendur enginn undir þeirri ímynd nema þeir sjálfir, meðan Sjálfstæðismenn eru loksins farnir að standa undir nafni sem SJÁLFSTÆÐIR MENN sama hvað Bjarni Ben segir. Hvort það bendi til flokkurinn eigi lífdaga von þrátt fyrir allt eða að Sjálfstæðismenn séu tilbúnir að yfirgefa hann fyrir nýjan flokk er svo önnur saga.

[Úrsúla Jünemann, 7.4.2011 kl. 10:29]

Bjarni Ben. hefur aldrei verið sá sterki formaður sem sjálfstæðismenn vilja helst eiga. Spurningin er: Hvar situr hinn raunverulegi leiðtogi þeirra?

[Gunnar Heiðarsson, 7.4.2011 kl. 11:11]

Sumir komast til valda vegna ættartengsla, aðrir af eigin verðleikum. Þó vissulega sumir þeirr erfðaprinsa, sem komist hafa í háar stöður, hafi staðið sig ágætlega, er hitt algengara, að þeir standi ekki undir sínum skyldum. Þeir sem komast þangað af eigin rammleik og eigin verðleikum, standa sig hins vegar yfirleitt alltaf vel.

[Þórir Kjartansson, 7.4.2011 kl. 11:45]

 ,,Loksins kom sú stund að maður getur verið stoltur af sjálfstæðismönnum. Hættir að fylgja forustusauðunum í blindni eins og oft áður"

Vonandi verður þetta raunin.

Már (IP-tala skráð) 7.4.2011 kl. 02:07

En Már, eru menn bara ekki að fylgja gamla forystusauðnum í blindni? 

[Valdimar Samúelsson, 7.4.2011 kl. 12:59]

Það hlaut að vera að fólkið sjálft í flokknum væri á móti Icesafe já og vonandi ESB. Við sjáum samt ekki að elítan þar styðji þetta. Það verður að vera algjör hreinsun innan veggja margra flokka og reyndar þá eigum við að kjósa persónur en ekki flokka. Höfum sama snið og var gert með stjórnlagaþing. 

[Páll (IP-tala skráð) 7.4.2011 kl. 15:42]

Þetta eru eiginlega bestu rökin fyrir að segja "já".