Fylgi Vinstri grænna mun hrynja.

Ragnar Arnalds fyrrum forystumaður Vinstri grænna segir að vegna svika Vinstri grænna við eigin stefnu gagnvart ESB muni fylgi flokksins hrynja. Vinstri grænir boðuðu andstöðu við ESB, en hafa svo svikið það hressilega og stuðlað að umsókn og aðlögun.

Ragnar segir að kjósendur muni ekki treysta VG í næstu kosningum.

Þetta er örugglega mikið rétt mat hjá Ragnari.

Segir VG á milli steins og sleggju

Athugasemdir

[Sumarliði Einar Daðason, 16.6.2011 kl. 21:09]

Ég efast um að VG nái einum þingmanni í næstu kosningum. Hörðustu VG stuðningsmenn sem ég þekki eru búnir að snúa baki við honum.

[Sleggjan og Hvellurinn, 16.6.2011 kl. 22:41]

VG mun ekki fá kosningu vegna þess að þeir eru búin að stúta atvinnulífinu a Íslandi... ekki útaf ESB málinu.

[Óskar Guðmundsson, 17.6.2011 kl. 12:05]

Látið vita þegar WC er milli "heims og helju" svo ég geti mætt og híað á pakkið áður en það hittir Belsebúbb.

[Guðbjörn Guðbjörnsson, 17.6.2011 kl. 12:30]

Ég er sammála Sleggjunni og Hvellnum um að það verði atvinnumálin sem verði í brennidepli í næstu kosningum.

Stór meirihluti fólks vill klára þessar aðildarviðræður og aðildin farin að fá meiri byr. Þannig voru aðeins 30% hlynntir aðild fyrir ári síðan en nú eru það um 40% og ef þetta þróast á þessa leið verða það um 50% á næsta ári. Ég á von á að samningurinn verði okkur afskaplega hagstæður og ESB er þegar farið að breyta lögum sínum um fiskveiðar í þá átt að við ættum að geta sætt okkur við það. Þá er aðeins eftir að semja um landbúnaðinn, sem verður eflaust ekki stórt vandamál, þar sem landbúnaðarframleiðsla okkar skiptir litlu á 500 milljóna markaði.

Það er trú mín að þjóðin samþykki aðild ef að samningurinn verður góður, því fólk er búið að fá sig svo fullsatt af krónunni, verðtryggingunn, óðaverðbólgu og gengisfellinigum og þráir aðeins eitt, stöðugleika!

[Helgi (IP-tala skráð) 17.6.2011 kl. 21:42]

@Guðbjörn:

Það er svolítið merkilegt að fylgjast með veruleikaafneitun ESB sinna. Hafið þið ekki tekið eftir því að Evrópa nánast logar stafna á milli? Af hverju ætti samningur að vera okkur hagstæður? Við hefðum nánast engin áhrif á Evrópuþinginu. Við prófuðum öldum saman að láta aðra stjórna okkur og líkaði það illa. Lærum að reynslunni. Svo má einnig nefna það hér að vaxandi fjöldi fólks í ESB er ósáttur við veru lands síns í ESB. Hvernig ætli standi á því?

Það sem þú nefnir síðast er ekki gjaldmiðlinum að kenna heldur efnahagstjórninni. Segðu útflutningsatvinnuvegunum hvað krónan er hræðileg og segðu t.d. Portúgal, Spáni og Grikklandi hvað evran er frábær. Svo hafa nú ýmir erlendis veitt því athygli að við réttum hraðar úr kútnum (þrátt fyrir þessa hörmulegu stjórn) en ýmis lönd. Hver er svo ástæða þess? Jú, þessi króna sem þú og fleiri virðist vera búnir að fá nóg af - hún er að hjálpa okkur núna. Það atvinnuleysi sem við búum við núna, og er óeðlilega mikið, hefur verið normið í Evrópu í langan tíma. Grikklandi gæti t.d. unnið sig út úr sínum vandræðum á nokkrum árum ef þeir hefðu drögmuna sína. Vandræði Grikkja má rekja bæði beint og óbeint til evrunnar. Vissir þú það? Vissir þú að ECB stendur illa?

Hvers vegna ættum við að sætta okkur við að fólk sem þekkir ekki til aðstæðna hér og vildi t.d. þröngva Icesave upp á okkur fari með stjórn mála hér? Er hægt að treysta svona fólki? Nú hefur hver bábiljan á fætur annarri varðandi Icesave fallið. ESB ætlaði sér að þvinga upp á okkur ólögvörðum reikningi og er enn að reyna í gegnum ESA. Þetta sama lið kemur afar einkennilega fram við okkur í makríldeilunni en samt láta sumir sér ekki segjast. Hvað veldur því? Ef við værum nú í ESB fengjum við sennilega lítinn eða engan makríl að veiða í okkar eigin landhelgi því við réðum ekki okkar eigin sjávarútvegsmálum!!

Það hefur afskaplega lítið upp á sig að klára "viðræður" vegna þess að við þurfum að laga okkur að ESB en ekki öfugt, því er nokkuð ljóst hvað bíður okkar í samningnum - þó sumir ESB sinnar átti sig ekki á því og þar á meðal Össur sem lét stækkunarstjórann leiðrétta sig í fyrra á blaðamannafundi. Pínlegt?

Svo er auðvitað verðtrygging til staðar í reynd í öðrum löndum þó ekki hafi hún nafn líkt og hér. Menn verða auðvitað að hafa eitthvað upp úr lánastarfsemi umfram verðbólgu. Gefur það ekki augaleið?

[Sleggjan og Hvellurinn, 18.6.2011 kl. 01:22]

sammála guðbjörn