Vilja menn endilega hafa kreppu?

Svekkjandi er að sjá að lítið sem ekkert er að gerast í uppbygging álversins í Helguvík. Á meðan eru fleiri hundruð atvinnulausir á Suðurnesjum og á felir stöðum. Ef kraftur væri settur í framkvæmdina myndi það skapa mörg hundruðö störf. Ekkert gerist. Áhugi ráðamanna í Vinstri stjórninni er lítill til að berjast í því að koma málinu áfram.Furðuleg er afstaða ráðamanna að  vilja frekar borga milljarðana í atvinnuleysisbætur heldur en stuðla að atvinnuuppbyggingu. Hugsið ykkur. Búið er að greiða 80 milljarða í atvinnuleysisbætur frá hruni.

Hvar eru stjórnarþingmenn Suðurkjördæmis? Ekki vantaði brosið og myndir í fjölmiðlum af skóflustungunni í Helguvík.Þá brostu þau breytt Björgvin G. Sigurðsson og Oddný Harðardóttir. En hvað hafa þau gert síðan? Hafa þau lamið í borðið og sett Vinstri grænum stólinn fyrir dyrnar? Eða var það þeim nóg að fá mynd af sér með skóflu og bros.? Fyrir þá sem ganga atvinnulausir var það ekki nóg. Hvað með stöðu fyrirtækjanna sem gerðu ráð fyrir vinnu við álverið? Nú blasir við að engin verkefni eru framundan hjá iðnaðarmönnum á svæðinu. Vilja stjórnarþingmenn Suðurkljördæmis endilega viðhalda kreppuástandinu hér og gera það enn verra?

Ég held að það sé í fyrsta skipti síðustu 20 árin a.m.k sem engar framkvæmdir eru í Garðinum og vegum sveitarfélagsins. Það er ömurleg staða. Ekkert að gerast í gangstéttarframkvæmdum eða vegaframkvæmdum. Engar byggingar á vegum sveitarfélagins. Lítið sést um viðhaldsframkvæmdir.Aðeins unglingar að slá gras,mála götur og sópa. Íbúum fækkar og hús standa auð. Iðnaðarmenn sjá fram á verkefnin verða ansi lítil.

Auðvitað þarf sveitarfélagið að koma inní á svona tímum. Fjárhagsstaða Garðsins hlýtur að vera það góð eftir að hafa fengið um þrjú þúsund milljónir aukalega í kassann við sölu bréfa í Hitaveitu Suðurnesja að hægst sé að koma af stað framkvæmdum til að koma í veg fyrir að allt lognist útaf.

Það þarf að grípa til róttækra aðgerða bæði af hálfu stjórnvalda og sveitarfélaga. Tækifærin eru til staðar á Suðurnesjum.

 

Athugasemdir

[Sigurður Grétar Guðmundsson, 14.7.2011 kl. 09:40]

 Hvaða frumkvæði Ríkisstjórnarinnar vantar til að kraftur sé settur í uppbyggingu álvers í Helguvík?

Það væri ekki úr vegi að þú svarir því.

Staðreyndir er nefnilega sú að það eru allt aðrar orsakir fyrir því að umrædd uppbygging heldur ekki áfram og það veistu manna best.

En þú ert einn af þessum ólukkufuglum sem sjá allt með  davíðskum    bláum gleraugum og þá skipta staðreyndir engu máli.

[Sigurður Haukur Gíslason, 14.7.2011 kl. 11:06]

Það væri ágætt nafni að þú segðir okkur hvaðan orkan á að koma fyrir þetta álver.

[Guðni Jónasson (IP-tala skráð) 14.7.2011 kl. 14:54]

Það skildi þó ekki vera að þessi ömurlega VG-stjórn sé bæði búin að koma í veg fyrir virkjanir og orkusamninga !

Þannig hafa þeir einnig staðið í vegi fyrir öðrum framkvæmdum !

Bóndafíflið að austan gefur bara skotleifi á skuldara og kemur svo bara í veg fyrir alla uppbyggingu atvinnulífs !

Þeir sem ekki geta lifað á rollum, ferðaþjónustu eða skógrækt, geta bara átt sig !

[Sigurður Haukur Gíslason, 14.7.2011 kl. 15:26]

Orkan verður að koma frá Orkuveitunni eða Landsvirkjun.

Orkuveitan skuldar 240 milljarða og getur er fjármagnað nýjar virkjanir. Sjá hér og hér.

Landsvirkjun átti í miklum erfiðleikum með að fjármagna Búðarhálsvirkjun og þegar búið að selja orkuna þaðan. Ekki hlaupið fyrir Landsvirkjun að fá lán.

Svo er líka ófrágengið hvernig orkan eigi að komast suðureftir ef hún fæst.

Svo er ágætt að rifja þetta upp.

[Palli (IP-tala skráð) 14.7.2011 kl. 15:38]

Af hverju á sveitafélag að fara að eyða fjármagni í framkvæmdir sem ekki er þörf fyrir? Væri ekki nær fyrir umrætt sveitafélag að lækka útsvar og fasteignagjöld svo íbúarnir hafi auka fjármagn til að framkvæma? laga hús sín osfrv.

[Sigurður Jónsson, 14.7.2011 kl. 23:24]

Það er til nóg orka á Reykjanesi,Hellisheiði og Neðri hluta Þjórsár. Ég hef ekki orðið var við frumkvæði eða áhuga ráðherra Vinstri grænna til að koma álverinu í Helguvík í gang. Landsvirkjun er í eigu ríkisins,þannig að ríkisstjórnin á ýmsa möguleika ef vilji væri til staðar. Vinstri grænir eru á móti virkjunum og á móti álverum. Ég er að gagnrýna þingmenn Samfylkingarinnar fyrir að láta setja ekki hnefann í borðið. Það gengur ekki að ekkert skuli ganga í uppbyggingu atvinnumála hér vegna þröngsýni VG.

Palli. Ég benti á það nýlega í skrifum að auðvitað á sveitarfélag að nota  hluta af hitaveitupeningunum til aðlétta undir með undir með íbúum sveitarfélagsins með því að lækka álögurnar og með lækkun þjónustugjalda. Það hefur verið stefna Sjálfstæðismanna að hafa álögur í eins miklu lágmarki  og hægt er. Það er rétt að það skapar hagvöxt að íbúarnir sjálfir hafi meira til ráðstöfunar. Sjálfstæðismenn í Garði hafa hreinan meirihluta og hljóta að vera fylgjandi þessari stefnu.