Ykkur kemur það ekki við.

Vinstri stjórnin boðaði breytta tíma í pólitíkinni. Ekkert pukur lengur, all skyldi vera uppi á borði. Allt sem gert væri af hálfu stjórnvalda væri faglega unnið og gagnsætt. Einhverjir trúðu að þetta yrði raunin.

Vinnubrögð vinstri stjórnarinnar hingað til hafa ekki verið samkvæmt þessu. Nýjasta dæmið er salan á Byr. Þegar spurt er út í söluna svara ráðamenn. Ekki gefið upp, ykkur kemur þetta ekkert við.Þannig eru svör forystumanna til almennings í landinu.

Þegar formaður fjárlaganefndar var spurð hvers vegna öll þessi leynd væri varðandi söluna var svarið, það hlýtur að vera ástæða fyrir því. Formaðurinn hefði alveg eins getað svarað, af því bara.

Þetta eru stjórnmálamennirnir sem boðuðu að allt ætti að vera gagnsætt.

 

Athugasemdir

[Jón Óskarsson (IP-tala skráð) 18.7.2011 kl. 00:05]

Formlega séð er sölunni ekki lokið fyrr en  samruninn hefur verið samþykktur af þar til bærum yfirvöldum.

Að því samþykki fengnu verður þetta gefið upp. Það hefur komið fram.
Óþarfi fyrir menn að fara á límingunum út af þessu.

Annars er fréttaflutningurinnn í anda Hádegismóra. 

"Taka öll mál og gera þau tortryggileg"

[Sigurður (IP-tala skráð) 18.7.2011 kl. 14:47]

"Enginn samningsaðili, sem kom að sölu Byrs sparisjóðs til Íslandbanka, gerði sérstaka kröfu um að kaupverðinu, sem bankinn borgaði fyrir sparisjóðinn, yrði haldið leyndu," hefur Pressan í dag "eftir öruggum heimildum sínum". Það er heldur engin regla að halda verði leyndu í viðskiptum við opinbera aðila, ekki einu sinni um tiltekinn tíma, sem sjá má af fyrri einkavæðingum og flestöllum útboðum. Páll Vilhjálmsson hefur kannski hitt naglann á höfuðið: "Þegar Steingrímur J. er spurður hvað fékkst fyrir Byr veit hann að sölufjárhæðin upplýsir um þóknun vina og vandamanna. Þess vegna er það einkamál."

[Jón Óskarsson (IP-tala skráð) 18.7.2011 kl. 17:38]

Og Páll Vilhjálmsson vitnar ævinlega í eigin skrif þegar hann þarf að sanna mál sitt

Enginn Moggapenni er eins auðvirðilegur og hann.

[Sigurður (IP-tala skráð) 18.7.2011 kl. 21:04]

Önnur skýring á þögn Steingríms kemur frá Sigmundi Davíð Gunnlaugssyni: "...það virðist þó alla vega ljóst að ríkið hafi ekki fengið til baka allt það sem það lagði í bankann..." (visir.is).

[Jón Óskarsson (IP-tala skráð) 19.7.2011 kl. 01:33]

Sigmundur Davíð hefur tilheigingu til að gera lítið úr öðrum en sjálfum sér og norsku krónunum sem hann fór við annan mann að sækja hér um árið.

Þessi tala er nær 25 milljörðunum. Það hef ég eftir jafn áreiðanlegum heimildum og Sigmundur