Hrói höttur og Lady Ga Ga.

Auðvitað er það alveg kórrétt að ráðherrar ríkisstjórnarinnar geta ekki setið þegjandi undir árásum Ólafs Ragnars,forseta. Jón Balvin fv.utanríkisráðherra skrifa grein í Fréttablaðið í dag þar sem sparar ekki kveðjurnar til forsetans. Hann telur að Lady Jóhanna geti ekki setið undir slíku ásökunum forsetans eða aðalpokerinn Steingrímur J.

Fleiri stjórnarþingmenn mjálma einnig í vandlætingatón um ákúrur forsetans.

Eftir situr samt að það sem Ólafur Ragnar er að segja er rétt.Það hlýtur að vera eðlilegt að upplýsa þjóðina um það hvernig Jóhanna og Steingrímur J.lögðust kylliflöt fyrir Bretum og Hollendingum og sögðu við borgum það sem þið viljið.

Svavar Gestsson formaður saminganefndarinnar vegna Icesave sagði sem frægt var, ég nenni ekki að standa í þessu lengur. Varla hefði Svavar skrifað undir nema með samþykki Jóhönnu og Steingríms J.

Auðvitað fer það í taugarnar á stjórnmálarefi eins og Jóni Baldvin að sjá sitt fólk fara í felur og viðurkenna undirlægjuháttinn með því að svara árásum Ólafs Ragnars með þögninni einni saman.

Það hefði verið nær fyrir Ólínu að ræða um það í grein sinni að þingmenn hefðu gert kröfu til Jóhannu og Steingríms J. að þau sýndu ábyrgð gagnvart hagsmunum almennings á Íslandi í viðræðunum við Breta og Hollendinga.

Gangi inn í umræðu af ábyrgð

Athugasemdir

[Jóhanna (IP-tala skráð) 7.9.2011 kl. 14:03]

Aumingja Jóni Baldvin er jú vorkunn, Hann verður nú aldrei forseti og er nú að vonum öfundsjúkur. Því víst embættið gott og Jón Baldvin hefur nú alltaf elskað sviðsljósið. Svo hann getur ekki á sér setið. Óvinur ríkisstjórnar no.1 er forseti Íslands.

En greinin er misheppnuð hjá honum, því hann er alltof rætinn málefnalega. Það gefst aldrei vel.

Sendi honum nú smá skoðun í þessu sambandi, sem frúin hans svaraði. Hann er sjálfsagt upptekinn að skrifa pistla.

[Daníel (IP-tala skráð) 7.9.2011 kl. 21:25]

Íslenska þjóðin hefur aðeins einn virkan leiðtoga í dag, það er Ólafur Ragnar Grímsson. Það er óumdeilt og verður ritað í söguna að meðan Alþingi gróf sér holu og bauð Bretum og Hollendingum óæðri endann til að riðlast á, þá reis Ólafur þjóðinni til varnar svo eftir var tekið víða erlendis.

Ræfildómur kjörinna fulltrúa þjóðarinnar á Alþingi er þeirri stofnun til háðungar, hvort sem það varðar IceSave eða vegna undirlægjuháttar við spillt fjármálaöflin. Ríkisstjórn Jóhönnu og Steingríms hefur í þeim efnum reynst hrein helferðarstjórn fyrir heimilin í landinu. Það að Jón Baldvin sé að ergja sig á yfirlýsingum Ólafs og varnartaktík er bara til marks um það að gamla spillta stjórnmálastéttinn þolir ekki að einn úr þeirra liði hafi tekið stöðu með þjóðinni gegn gamalgrónum fasískum stjórnarháttum ráðamanna í garð þjóðarinnar.

Jón Baldvin (mitt fyrrum átrúnaðargoð) er hluti af þeirri fasísku hefð þingræðisins að allt sem kemur frá Alþingi sé alþýðu manna óviðkomandi; skrýllin skuli bara hlíða, sama hve fjandsamleg stjórnvöld eru í garð almennings. Ólafur rauf þessi helgu vé íslenskra stjórnmála og uppsker því nú þá andúð sem hann hefur orðið fyrir frá fjölmörgum stjórnmálamönnum.

Ég hvet fólk til þess að verja forsetann í öllum hans málflutningi, því það er klárt mál að hann er að fórna persónulegum hagsmunum og vinskap í baráttu sinni fyrir land og þjóð; en vitaskuld sér spillt hagsmunaklíkan á Alþingi það ekki þannig.

[Elle_, 7.9.2011 kl. 22:59]

Stjórnmálarefur er gott orð fyrir Jón Hannibalsson og passar líka furðuvel við allan hans auma flokk.  Þau þola ekki að heyra sannindi forsetans um mesta aumingjaskap gegn erlendum veldum í sögu lýðveldisins og ofbeldi og refshátt þeirra sjálfra gegn þjóðinni í þokkabót og vilja sjálfsagt leggja niður forsetaembættið til að losna við að forsetinn verji þjóðina í einu niðingsmálinu þeirra enn.