Hver var aðal bólukallinn ?

Ólafur Ragnar,forseti,lætur mikið fyrir sér fara þessa dagana. Ólafur Ragnar er sýnilega að undirbúa jarðveginn vel svo hann geti boðið sig fram enn á ný til forseta.

Nú talar Ólafur Ragnar um að það séu framleiðslugreinarnar sem skapi verðmætin en ekki eitthvað útblásið hagkerfi,sem engin innistæða er fyrir. Ólafur Ragnar segir að við megum ekki láta afvegaleiðast af ýkjuhagkerfi eða bóluhagkerfi.

Auðvitað er þetta allt rétt og satt hjá forsetanum. En hver var það nú aftur sem gekk manna fremst í bóluhagkerfinu? Hver var það sem hrósaði útrásarvíkingum mest á sínum tíma? Hver var það sem talaði um bankasnillingana á Íslandi? Hver mætti með útrásinni á alls konar samkomum á erlendri grund?Hver var það sem skrifaði meðmælabréfin með útrásar- og bankasnillingunum.

Getur það virkilega hafa verið Ólafur Ragnar,forseti?

Forsetinn: Bóluhagkerfið að baki