Er Björgvin hræddur við að stuðningsmenn ESB átti sig og gerist fylgjendur við NEI.

Samylkingarmenn virðast nú hræddir við að fleiri og fleiri af núverandi fylgjendum ESB aðildar átti sig á vitleysunni og snúist til andstöðu. Er ástandið þannig innan ESB að eitthvað rosalega mikið liggi við að klára aðlögunarferlið. Auðvitað væri mesta vitið að Alþingi tæki ákvörðun um að hætta öllu brölti til að koma okkur í ESB. Næsti besti kosturinn er hugmynd Framsóknarmanna að salta ESB málið og sjá hvernig framvindan í Evrópu verður. Auðvitað getum við ekki haldið áfram viðræðum og aðlögunarferli eins og ástandið er núna.

Upplýst hefur verið að Ísland verður árlega að borga 13 milljarða sem aðgöngumiða að þessum uppáhaldsklúbb Samfylkingarinnar. Erum við virkilega tilbúin að greiða slíka upphæð til að fórna okkar verðmætum.Þjóð eins og Ísland, sem á gjöful fiskimið, næga möguleika á að virkja orkuna og vatn, þarf ekki að kvíða framtíðinni. Við höfum það sem heimsbyggðin þarf í framtíðinni. Við þurfum því ekki að afsala okkar yfirráðum til hinna háu herra í Brussel.

Látum ekki Samfylkinguna teyma okkur áfram í vitleysunni. Það er örugglega hvorki meirihluti á Alþimgi eða meðal kjósenda að innlima Ísland í ESB.

Jón hraði vinnu í aðildarviðræðum

Athugasemdir

[Ásthildur Cesil Þórðardóttir, 2.11.2011 kl. 19:36]

Já þvílíkt og annað eins segi nú ekki meir, eru þessir Samfylkingarmenn gjörsamlega að tapa sér.

[Jón Steinar Ragnarsson, 2.11.2011 kl. 20:13]

Það er panikk. Eðlilega, söluvaran er að brenna upp.

[Valdimar Samúelsson, 2.11.2011 kl. 20:36]

Það verður ekkert að salta umsóknina það verður að afmá hana sem ólöglegt plagg sem hún er. Hún er tilraun til landráðs eins og hún er í dag. Hún er kolólögleg samkvæmt hegningarlögunum kafla X um Landráð.http://www.althingi.is/lagas/nuna/1940019.html

X. kafli. Landráð.
86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.
88. gr.
²⁾ fangelsi allt að 6 árum. Ef brot þykir mjög smávægilegt, má beita sektarhegningu.]¹⁾ [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …

[Elle_, 2.11.2011 kl. 21:12]

Jón Bjarnason mun halda sínu striki og lætur ekki hvetja sig til óverka eymdarflokks Jóhönnu.  Enda erum við í miklum meirihluta ef Björgvin Sigurðsson skyldi ekki vera búinn að fatta það enn.  Og enginn þrýstingur á Jóni.  

Og hvaða fyrirstöðu er maðurinn að tala um??  Meinar hann aðlögunina sem fylkingin hans hefur þrætt fyrir þar til þau eru blá í framan að sé í gangi eða þurfi nokkuð???  Það er þannig með lygar að menn fara alltaf að ruglast í þeim!

-------------------------------------

Og gleymum heldur ekki þeim hundruðum milljarða sem færu í evrusjóðinn.  En við værum ekki svo vitlaus að platast þangað inn.    

[Sleggjan og Hvellurinn, 2.11.2011 kl. 22:43]

Það er bara gott mál að Jón er að tefja ferlið. Þegar samningurinn loks lyggur fyrrir þá verður óvissan búin í ESB og umsóknin fær meira fylgi.

Svo mun ESB ekki seilast í okkar orku. 

Svo fáum við vonandi ákjósanlegan samning... þá sérstaklega í sjávarútvegsmálum.

[Elle_, 2.11.2011 kl. 23:01]

Enginn samningur verður nema 90 þúsund + blaðsíður af lögum.  Ekki okkar, heldur ÞEIRRA. 

[Sleggjan og Hvellurinn, 2.11.2011 kl. 23:13]

Við komumst að því þegar samningurinn lyggur fyrir :)

[Kjartan Örn Sigurbjörnsson (IP-tala skráð) 3.11.2011 kl. 11:05]

Ég stuðningsmaður þess að ganga í ESB ef það þjónar hagsmunum lands og þjóðar.

Alþingi tók þá ákvörðun að ganga til aðildarviðræðna. Það stendur enn. Nú finnst mörgum að það eigi að hætta þeim viðræðum. Þá þarf að ákvörðun um það á alþingi eins og þú bendir réttilega á.

Ég fylgist með því eins og aðrir að ESB á við margvíslegan vanda að stríða og evrusamstarfið er brösótt og óljóst hvernig fer. Það breytir því ekki að ESB verður áfram og styður frið, mannréttindi og lýðræði í Evrópu.

Guði sé lof fyrir það að reynt er að tala sig niður á lausnir en ekki gripið til vopna þó deilur kvikni. Besta von um frið milli ríkja er öflugt samstarf og frjáls viðskipti. Það er styrkur fyrir smáþjóð að vera í nánu og góðu ríkjasamstarfi. Það hefur gefist Íslendingum best í sögunni. kv.

[Ásthildur Cesil Þórðardóttir, 3.11.2011 kl. 11:14]

Það hefur svo marg komið fram undanfarið að við erum í aðlögunarferli en ekki umsóknarferli.  Við þurfum að hafa samþykkt allar kröfur ESB áður en atkvæðagreiðsla hefst.  Það er ekki hægt að ljúka neinum pakka fyrr en við höfum tekið upp þeirra reglur.  Það eru engar undanþágur.  Hve oft þarf að stafa þetta ofan í kok á fólki. 

„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

Ef þetta kallast samningsgrundvöllur þá er ég asni.  Þetta er nokkuð sem alltaf hefur legið ljóst fyrir hjá ESB, en okkar fólk hefur snúið sér og lætur fólk bara halda eitthvað allt annað eins og það sé flottur jólapakki undir trénu, þegar þar liggja einungis pappírar til undirskriftar punktur og basta.

[Elle_, 3.11.2011 kl. 11:55]

Enginn samningur verður nema 90 þúsund + blaðsíður af lögum, skrifaði ég að ofan og stend við það.  Engar samningaviðræður verða á meðan einn aðilinn ræður öllu, það væri aðlögun sem út úr slíku kæmi, ekki samningur.  

Lög og stjórnarskrá sambandsins eru æðri lögum og stjórnarskrám sambandsríkjanna.  Og það mun líka gilda fyrir dómstólum þar sem dómstólar fara vanalega eftir lögum.  Sambandið mun hafa æðsta vald yfir sambandsríkjunum.

COMMUNITY LAW TAKES PRECEDENCE OVER ANY NATIONAL PROVISIONS WHICH MIGHT CONFLICT WITH IT.

[Elle_, 3.11.2011 kl. 11:59]

Og að tala um lýðræði og frjáls viðskipti sem sambandsríki í E-sambandinu er fjarstæða.  Kallast það frjáls viðskipti, Kjartan, þegar milljarðar á milljarða ofan verða að fara í evrusjóð?  Hvað með fyrirætlaða kúgun í ICESAVE?  Nei, í sambandinu er ekkert lýðræði. 

[Ásthildur Cesil Þórðardóttir, 3.11.2011 kl. 12:51]

Tek undir þetta allt með þér Elle.

[Elle_, 3.11.2011 kl. 15:13]

Hinsvegar er ég alveg sammála Kjartani að það sé ´styrkur fyrir smáþjóð að vera í nánu og góðu ríkjasamstarfi.´  Höldum okkur þessvegna í frjálsu og góðu og nánu ríkjasamstarfi við önnur lönd heimsins, ekki innilokuð inni í 8% af honum.