Hvað kom fyrir Steingrím J.? Hann sagði já.

Hvað er nú eiginlega að gerast? Steingrímur J. sagði já við Vaðlaheiðagöngum og gefur grænt ljós. Satt best að segja töldu flestir að orðið já væri gjörsamlega horfið úr orðaforða Steingríms J. Hann og félagar hans í VG hafa hingað til sagt nei við öllu sem til framfara horfir.

Auðvitað á að drífa í þessari framkvæmd og borga hana upp á næstu 25 árum með veggjaldi.Þetta verður mikil samgöngubót fyrir norðlendinga og aðra landsmenn sem, eiga þarna leið um.

Vonandi verður áframhald á þessari grundvallarbreytingu á Steingrími J. Við fáum kannski fleiri já í framhaldinu. Ekki er líklegt að þessi já breyting nái til Ögmundar.

Framkvæmdin sjálfbær

Athugasemdir

[Ásthildur Cesil Þórðardóttir, 7.11.2011 kl. 20:47]

Þetta segir manni bara að það er stutt í kosningar og þau vita af því.  Hvað með allar hinar samgöngurnar sem bráðliggur á, eins og samgöngubætur á Vestfjörðum sem eru fyrir neðan alla hellur, og engar samgöngur milli norður og suður yfir veturinn nema að fara alla leið í Búðardal. 

[sæmundur (IP-tala skráð) 7.11.2011 kl. 21:24]

Ögmundur sagði fyrr í dag að Vaðheiðargöngin yrðu ekki forgangsverkefni . Síðan kom Steingrímur og sagði já

Hvernig haldiði að samkomulagið sé á því heimili

[Sigurður (IP-tala skráð) 7.11.2011 kl. 22:36]

Ég held, að hér sé smá misskilningur á ferð. Steingrímur hefur sem ráðherra sagt já við mjög mörgu, til dæmis nálægt 100 sinnum já við skattahækkunum, þrisvar sinnum já við því að borga Icesave með vöxtum, já við aðlögunarviðræðum við Evrópusambandið, já við því að ákæra Geir Haarde, já við því að fella niður sjómannafslátt, já við flestallri ivitleysu sem upp úr Jóhönnu vellur... Hann er þannig séð mjög jákvæður maður. Bezt að leyfa honum að eiga það, sem hann á.

Það vill nú svo vel til, að aðstandendur Vaðlaheiðarganga hafa nýverið tekið vel í það að láta óháða aðila reikna út arðsemi ganganna, sem ekki getur kallazt, að enn hafi verið gert. Bíðum augnablik eftir því. Kannski bætist þá við fróðleikur, sem hægt er að skiptast á skoðunum um. Þangað til ætla ég þó að hafa fyrir satt, að göngin séu arfavitlaus framkvæmd, miðað við núverandi efnahag þjóðarinnar og brýnni verkefni. Ég hef nefnilega ekið um skarðið og líkað það prýðilega og einnig ekið á öðrum leiöum og líkað það illa.

[Jón Steinar Ragnarsson, 8.11.2011 kl. 01:58]

Það má ekki gleyma því að þetta er hans kjördæmi. Ekkert annað ræður ákvörðuninni. Þetta er eina von hans til endurkjörs á þing og hann er alveg til í að splæsa 10 milljörðum í svoleiðis formsatriði, prívat og persónulega.

[Kjartan Sigurgeirsson, 8.11.2011 kl. 11:20]

Það er svolítið einkennilegur útreikningur sem gefur þá niðurstöðu að þetta geti verið sjálfbær framkvæmd.  Ef reikningurinn verður upp á 10 milljarða þarf u.þ.b. 1.000.000 hvern einasta dag ársins í rekstrarafgang bara til að greiða vexti.  Eitthvað þarf að borga af lánunum, sennilega um 1.369.863 á hverjum degi, ef til stendur að greiða lánið á 20 árum. Árið 2005 var meðaltals umferð að sumarlagi 1577 bílar á sólarhring og að vetrarlagi 638 sennilega hefur dregið verulega úr þessum fjölda vegna mikillar hækkunar á eldsneyti. og þykir mér bjartsýnisspá að áætla að 600 bílar fari í gegn um göngin að meðaltali yfir árið, mér dytti t.d. aldrei í hug að fara um jarðgöng að sumarlagi, nánast sömu vegalengd og að fara um Víkurskarð.  Náist þessi fjöldi, þ.e. 219.000 bílar á ári, kostar ekki nema rétt um 4.000  krónur hver ferð bara til að greiða fjármagnið, rekstrarfé eftir, mætti hugsanlega jafna það út með sjnómokstri á móti vinnu við innheimtu veggjalda.  Dettur einhverjum í hug að þarna sé um einhverskonar spillingu að ræða, þetta hlýtur allra hluta vegna að fá algjöran forgang fram yfir bættar samgöngur á Vestfjörðum eða aðra staði sem fjármálaráðherrann á ekkert erindi

[Ásthildur Cesil Þórðardóttir, 8.11.2011 kl. 11:46]

Jamm einkaframkvæmd eins og þessi hér: http://www.mbl.is/frettir/innlent/2011/11/08/harpa_vill_730_milljona_lan/

Og þetta allt meðan verið er að skera niður heilbrigðisþjónustu, aldraða og öryrkja.  Er mig nokkuð að misminna hefur þessi stjórn ekki eitt sitt helsta baráttumál Norræna velferðarmál.  Nei það hlýtur að vera misminni, hún týndist einhversstaðar í Skjaldborginni frægu.