Svört hagspá fyrir ESB.Ætlar Samfylkingin að halda áfram með ESB vitleysuna?

Samdráttarskeið blasir við í ríkjum ESB. Þrátt fyrir þessa staðreynd hamast Jóhanna og Össur við það að koma Íslandi í þetta bandalag. Breytir engu fyrir Samfylkinguna þótt allir aðrir sjái vitleysuna.Samfylkingin ætlar áfram að stinga hausnum í steininn eins og Vigdís Framsóknarþingmaður orðar það.

Ætla þingmenn Vinstri grænna virkilega að bera ábyrgð á því að við keyrum áfram á fullu aðlögunarferlið í ESB. Væri nú ekki ráð að hætta þessum skrípaleik og draga umsóknina til baka.

Svört hagspá fyrir ESB

Athugasemdir

[Kjartan Örn Sigurbjörnsson (IP-tala skráð) 10.11.2011 kl. 14:58]

Sæll Sigurður

Í ESB eru 27 sjálfstæðar þjóðir sem hafa valið að starfa saman í þeim tilgangi að viðhalda friði, lýðræði og mannréttindum. Þar er í hávegum fjórfrelsið sem fjallar um frjálsa för fólks, varnings, þjónustu og fjármagns um landamæri þeirra. Allt þetta samstarf byggir á því að viðhalda friði svo að venjulegt fólk geti lifað án ótta við styrjaldir og ófrið milli ríkja í Evrópu.

Mér finnst það algjörlega þeirrar vegferðar virði að vera með í þessu samstarfi. Ég veit að ekki eru allir á sama máli - en þá þarf að taka umræðuna og leita samninga sem verða lagðir fyrir þjóðina til samþykktar eða synjunar. Í mínum huga verður það aldrei skrípaleikur.

Og að lokum þá erum við ekki á fullu í "aðlögunarferli." Það eiga sér stað aðildarviðræður. kv.

[Eyjólfur G Svavarsson, 10.11.2011 kl. 15:12]

Ég held að betra sé að þjóðin kjósi um þetta mál, þá vita menn hvað fólk vill og þá er það bara búið spil!Samfylkingin virðist hafa efni á eyða peningum í þetta, það er gott að vita að nóg er til af peningum!!

[Jón Ingi Cæsarsson, 10.11.2011 kl. 17:45]

Þjóðin kýs um málið... hættu að blanda stjórnmálaflokkum í þá staðreynd

[Jón Ingi Cæsarsson, 10.11.2011 kl. 17:47]

aðlögunarferli.... kjánalegt...   Þegar Ísland gerðisti aðili að EES undir forustu Jóns Baldvins og Davíðs Oddss tókum við upp 75 -80% af samþykktum ESB.  Það er ekkert að aðlaga...við erum klár inn þegar samningur verður til og settur í þjóðaratkvæði

[Björn (IP-tala skráð) 10.11.2011 kl. 23:46]

Kjartan! Hvernig í ósköpunum dettur þér í hug að nefna ESB og lýðræði í sömu setningunni? Ef framkvæmdin á stefnumiðum ESB væri í lagi þá væri sambandið í lagi líka en þeir hafa nánast klúðrað öllu sem þeir hafa komið nálægt þ.m.t. fjármagsnmarkaðnum, atvinnumarkaðnum, Schengen, lýðræðinu sem þeir hika ekki við að troða ofan í svaðið fyrir eitthvað æðra markmið o.s.frv.

Fögur orð duga mér því miður ekki.

[Helgi (IP-tala skráð) 13.11.2011 kl. 22:36]

@Jón Ingi: Hvaðan færð þú þessar tölur um 75-80%. Heimild? Þangað til þú kemur með einhverja trúlega heimild er þetta bara innantóm fullyrðing.

@Kjartan: Við erum í aðlögunarferli, við eigum að taka upp regluverk ESB. Hvernig stendur á því að þú veist það ekki? Það verður ekki samið um undanþágur eins og Fuhle reyndi að benda Össuri blöðrusel á nýlega. Kynntu þér staðreyndir. Aðild að ESB er framsal á sjálfstæði. Erum við t.d. að ræða beint við Skota í makríldeilunni? Nei, því þeir ráða ekki þessum málum sjálfir. Fjórfrelsið er nú gott svo langt sem það nær en vandinn er auðvitað sá að Evrópa er langt frá því að vera einsleitin. A-Evrópa er á allt öðrum stað en V-Evrópa af augljósum ástæðum, ríkari hluta álfunnar er gert að moka peningum í þá fátækari. Það getur ekkert mennskt stöðvað þúsundir Pólverja, Ungverja eða Rúmena að setjast hér að ef þeim sýnist svo og þiggja atvinnuleysisbætur án þess að leggja neitt til í þessa sjóði. Kerfi sem sett er upp þarf að vera sjálfbært, spurði bara forkólfa lífeyrissjóðanna. Snillingarnir í ESB hafa ekki hugmynd um hvernig verðmæti verða til eða hvað þarf til að fyrirtæki ráði fólk eða hvað veldur atvinnuleysi eins og hefur sést á atvinnuleysistölum þar áratugum saman. Við munum þurfa að borga með okkur í ESB. Heldur þú líka að vandræði Spánverja, Portúgala, Ítala og Grikkja séu bara þeim að kenna? Dettur engum í hug að evran sé að stórum hluta til orsök vandræða þeirra? Skilur enginn að það er lífsspursmál fyrir Þjóðverja að halda þessu evruævintýri áfram? Veistu af hverju?

@Sigurður J: Ég sá einhvers staðar að Vg og Sf hefðu gert með sér þegjandi samkomulag sem gengi nokkurn veginn út á að Vg truflaði ekki ESB ferlið á meðan Vg fengi að stöðva alla stóriðju. Rímar þetta ekki bara prýðilega við veruleikann?