Áhyggjur Sjálfstæðismanna.

Það er alveg rétt hjá fyrrverandi ritstjóra Morgunblaðsins að það for ónotahrollur um mig og örugglega fleiri Sjálfstæðismenn þegar ádeiluatriðið um forystumenn flokksins var sýnt. Á þessu verður hamrað af mörgum á næstu mánuðum að maður tali nú ekki um fyrir næstu kosningar.
Einmitt af þessari mynd sem dregin var upp skrifaði ég og fleiri um að nauðsynlegt væri fyrir Sjálfstæðisflokkinn að horfa til nýrrar forystu. Á síðasta landsfundi kom tækifærtið að kjósa Hönnu Birnu,sem næsta leiðtoga. Trúnaðarmenn flokksins höfnuðu því og völdu sömu forystu. Róðurinn verður því erfiður fyrir Sjálfstæðisflokkinn að sannfæra óákveðna kjósendur að rétt sé að gefa flokknum tækifæri á ný.

Ætli Sjálfstæðisflokkurinn sér stóra hluti verður hann að gera mun betur upp við fortíðina. Flokkurinn verður einnig að endurnýja að stórum hluta þingmannalið sitt. Sjálfstæðisflokkurinn verður að sýna framá að honum sé best treystandi til að taka við forystu landsmálanna eftir ömurlegt vinstra tímabil.

 

Ónotatilfinning sjálfstæðismanna

Athugasemdir

[Valdi (IP-tala skráð) 4.1.2012 kl. 11:46]

Það væri mikil bjartsýni ef að menn halda að kjósa Hönnu Birnu sem formann muni duga til að auka fylgi , meirihluti framlínu flokksins sem telft er í þingsæti og möguleg ráðherrasæti er það sem fólkið vill ALLS EKKI! Sama á reyndar við um hina flokkana. En þetta lið er auðvitað ekki að hugsa um það það er að hugsa um sig og sína velgengni. því miður :S því á blaði lítur Sjálfstæðisflokkurinn vel út en honum er ekki treystandi einsog er .

[hilmar jónsson, 4.1.2012 kl. 12:37]

Árni Johnsen, Tryggvi Þór, Bjarni Ben, Þorgerður Katrín, Guðlaugur Þór. Og þetta er aðeons hluti af vanda ykkar.

[Hjalti Elíasson (IP-tala skráð) 4.1.2012 kl. 12:58]

Ég hefði frekar átt von á því Siggi að þú hefðir fengið kjánahroll, það hefði verið svona við hæfi. Hrunverjar sem eru veruleikafyrrtir eru algerlega daufir fyrir þessari SÖNNU mynd. Þeir eru ekki í tenglsum við fólkið og skilja þetta bara ekki.

Hvernig ættlar hrunflokkurinn að gera upp við fortíðina,þegar þeir telja sig ekki hafa gert neitt rangt, málpípur flokksins enn inni á þingi og er það ekki fallegur flokkur yfir að líta. Árni Johnsen, Tryggvi Þór, Bjarni Ben, Þorgerður Katrín, Guðlaugur Þór o.f.l.

kv Hjalti

[Vilhjálmur Stefánsson, 4.1.2012 kl. 14:32]

Ég treisti ekki Bjarna Ben til að auka fylgi Flokksins hann er ekki trúverðugur hjá Fólki.Ég hef altaf kosið Sjálfstæðisflokkinn en nú veit maður ekki kvað á að kjósa í næstu kosningum svo er um marga..

[Gunnar Á. Vilhjálmsson (IP-tala skráð) 4.1.2012 kl. 15:07]

Ég skil ekki hvernig þessir týttnefndu framlínumenn og konur sjálfstæðisflokksins reyna einu sinni að byrja á því að verja orðstýr sinn

 Einu svörin sem ég hef séð þetta fólk gefa er; að það sé ekki búið að sanna á þau neinn glæp -  eins og að einungis glæpamenn séu óhæfir til að vera í stjórnmálum

 Ég saka ekki einn einasta af þessum mönnum og konum um neinn glæp -  ég saka þau hinsvegar hiklaust um skort á dómgreind og siðferði, og þessvegna eru þau öll  óhæf til að halda áframm í stjórnmálum. 

Brynjar Nielsson skrifaði grein um dagin,  hún var hérna:   http://www.pressan.is/Error404.aspx?errorurl=http://www.pressan.is/pressupennar/Lesa_Brynjar/stjornubladamenn

 En einhverra hluta vegna er Brynjar búinn að taka hana niður

 Í greininni segir hann

"Eitt af markmiðum með skráningu bankans árið 2000 var að tryggja eignarhald starfsmanna á hlutabréfum í bankanum. Það var mat hluthafa bankans á þessum tíma að það væri mikilvægt fyrir rekstur bankans. Til þess að slíkt eignarhald geti orðið að veruleika þarf annað hvort að gefa starfsmönnum hluti eða lána fyrir þeim. Kaupþing fór þá leið að gefa út kauprétti og lána fyrir bréfunum en tryggði jafnframt skaðleysi starfsmanna með því að veita þeim sölurétti. "

Meira circular lógík hef ég ekki séð - :  að það sé einhvernveginn ekki við leppi að sakast þegar "hluthafar" "meta" það svo að rétt sé að gefa fólki milljarða í innherja"viðskiptum"  -  af því að það væri svo "mikilvægt fyrir rekstur bankans"  að láta það sýnast sem svo að starfsmenn bankans eigi stóra hluti - svona sem PR útá við

Eins og leppirnir hafi gert þetta af einhverri svakalegri fórnfýsn, og eins og það að gefa einhverjum handboltagæðingi (ásamt fleirum)  hlut í banka,  án þess að nein inspíting komi frá þeim aðilum; sé það sama og ef sterkir kjölfjárfestar fást til starfa í bankanum.    Og eins og þetta sé ekki augljós tilraun til blekkinga  (sama hvort þetta er löglegt eða ekki) 

 Og Brynjar segir:  "Til þess að slíkt eignarhald geti orðið að veruleika þarf annað hvort að gefa starfsmönnum hluti eða lána fyrir þeim..."

Og að kaupþing hafi ákv að fara þá leið að "lána" með því að láta starfsmenn skulda rosa mikið,  en hafa skuldirnar veðlausar og koma þeim fyrir í  félagi (tómri  kt) 

Það ætti að vera augljóst fyrir öllum þeim sem ekki eru intellectual morons eða meðlimir í einhverkonar peninga-scientology-sértrúarsöfnuðum,  að veðlaus skuld er ekkert annað en gjöf - saklaust ef pabbi þinn gefur þér vasapening -  en 800 milljónir króna (fyrir hrun) er soldið gróft

 Það er líka sérstaklega áhugavert að lesa neðangreinda grein frá Brynjari varðandi hugmyndir hans (og flestra Sjálfstæðismanna)  um hvernig sjálfsagt sé að kennitölur séu notaðar á til að láta skuldir hverfa

http://www.pressan.is/pressupennar/Lesa_Brynjar/ad-bera-abyrgd-a-skuldum-annarra-

Auðvitað eru allir sammála Brynjari að mikilvægt sé að hægt sé að stofna kennitölur fyrir fyritæki,  en að halda að það séu góð rök fyrir því að svo megi bara fara með þessar kennitölur eins og manni sýnist - jafnvel að nota þær bara sem einhverskonar gullnar fallhlífar ,  en ekki hafa neinar vörur né þjónustu á bakvið þær-  færri eru sammála um það.

Og síðan kvartar Brynjar yfir því að Þorgerður Katrín sé gerð ábyrgð fyrir skuldum eiginmanns síns  (ekki man ég eftir að hún hafi þurft að borga krónu)

Þau rök eru dæmigerð:  að týna til heimskulegustu comment sem maður finnur á netinu, til að reyna að sýna fram á að andstæðingurinn sé bara að bulla 

Þorgerður ber ekki ábyrgð á skuldunum,  en hún hinsvegar ber ábyrgð á sinni siðferðilegu þröngsýni þegar hún  segir að menn sem henni líkar ekki við gagnrýni frá  eigi að fara í endurmenntun - og síðan nokkrum mánuðum síðar virðist hún ekkert hafa útá það að setja að Maður sinn sé að taka þátt í einhverju sem í öllum löndum með þróuð lög og dóma, hvað varðar innherjarsvik,  myndu réttilega kallast það.

Hún er vanhæf sem stjórnmálamaður fyrir að hafa ekkert vit á því sem hún þykist hafa vit á  (samfélagsmálum)

 Það sama á við um Bjarna - hann skrifar undir virkilega vafasaman samning sem kostaði ríkið 10 milljarða,  það var ekki glæpsamlegt atferði að hanns hálfu,  en það var skortur á dómgreind og siðferði,   nógu mikill skortur til að gera hann óhæfann. 

[Gunnar Á. Vilhjálmsson (IP-tala skráð) 4.1.2012 kl. 15:22]

P.s

Eru ekki 30 þús manns skráðir í flokkinn - Þið hljótið að geta fundið betra fólk en þetta lið sem hefur sýnt og sannað að það eru ómerkilegir karakterar, svo uppfullir af sense of entitlement að Caligula myndi roðna

[Helgi (IP-tala skráð) 4.1.2012 kl. 18:28]

Sæll.

Því miður held ég að nr. 2 hafi nokkuð til síns máls.

Vandinn er auðvitað margþættur en ég held að samnefnari hans sé sá hversu linir þingmenn flokksins eru. Þeir gugnuðu í Icesave sem gefur til kynna, að mínu mati, að þeir skilji ekki eðli þeirrar deilu.

Þeir hafa einnig leyft Steingrími og fleirum að fullyrða að hér hafi ríkt óheft frjálshyggja á árunum fyrir hrun. Ekkert gæti verið fjær sanni og raunar auðvelt að reka þá vitleysu ofan í Steingrím ef menn leggja sig eftir því. Málið er auðvitað að þetta fólk er stjórnmálamenn og þeir vinna við að hafa skoðanir og tjá sig og eiga því ekki að hleypa mönnum upp með svona þvaður. Vinstri menn hafa einnig talið mörgum trú um að hrunið sé Sjálfstæðisflokknum að kenna, hvers vegna er það ekki rekið ofan í þá? Er hrunið alls staðar annars staðar þá líka Sjálfstæðiflokknum að kenna?

Flokkurinn hefur einnig leitað of mikið inn á miðjuna. Hvaða munur er t.d. á Sjöllunum og Sf? Er það mikill munur ef einhver? Svo er það auðvitað þannig að þeir sem eru á móti ESB aðild eiga erfitt með að kjósa flokkinn þegar ESB sinnar eru svona fyrirferðarmiklir innan flokksins. Það er ekki hægt að vera hægri maður og ESB sinni, það er hægt að vera miðjumaður og ESB sinni og vinstri sinni og ESB sinni.

Það er einnig mikið til í því sem 6 segir, þegar flokkurinn hefur ekki ræna á að moka flórinn þegar þingmenn og forysta flokksins eru bæði lin og svíkja stefnu flokksins er auðvitað ekki von á góðu. Það er heldur ekki von á góðu þegar öllum þingmönnum flokksins finnst allt í lagi að ríkið standi straum af starfsemi stjórnmálaflokka. Það þýðir auðvitað, þó þingmenn Sjálfstæðisflokksins geri sér sjálfsagt ekki grein fyrir því, að þeir persónulega eru að borga fyrir t.d. starfsemi Vg og Sf. Finnst þeim það í lagi? Einum þingmanni flokksins fannst, ásamt öðrum í hinum flokkunum, í lagi að nánast siga lögreglu á borgarana með því að vilja leyfa forvirkar rannsóknarheimildir. Veit viðkomanid þingmaður ekki að slíkt hefur verið misnotað erlendis? Hvers vegna ætti hið opinbera að fá meiri völd og meiri peninga?

Af hverju boðar flokkurinn ekki verulegan samdrátt á umfangi ríkisins? Hvernig stendur á því? Stærð og umfang ríkisins kemur í veg fyrir að hægt sé að hækka lifistandard hér. Það finnst mér merki um sósíalisma og skilningsleysi á efnahagsmálum. Ég sá einhvers staðar að W. Churchill sagði að sósíalismi væri hugmyndafræði fáfræði og öfundar. Þar hitti hann naglann á höfuðið.  Á meðan Sjallarnir eru svona sósíalískir kýs ég þá ekki, hér vantar almennilegan hægri flokk.

Þegar flokkurinn slær aldrei frá sér er hann auðvitað að gefa út veiðileyfi á sjálfan sig eins og áramótaskaupið sýndi vel. Atburðir eins og Styrmir nefnir munu því að öllum líkindum endurtaka sig í einhverri mynd þangað til alvöru fólk fæst í brúna hjá flokknum. Bjarni verður sennilega að fá að sigla flokknum í svaðið til þess að menn átti sig á nauðsyn þess að moka flórinn.

[karl (IP-tala skráð) 4.1.2012 kl. 19:31]

http://www.maniacworld.com/vote-for-nobody.jpg