Hvernig væri að hlusta á vilja kjósenda.

Samfylkingin talar oft og títt um að vilji þjóðarinnar eigi að ráða. Samfylkingin gefur sig út fyrir að vilja íbúalýðræði umfram aðra flokka. Samfylkingin gefur sig út fyrir að vilja þjóðaratkvæðagreiðslur um málin. Samfylkingin gefur sig út fyrir að vilja hafa allt upp á borðum. Allt er þetta voða fallegt á pappír. En gallinn er sá að Samfylkingin fer ekkert eftir þessu sjálf.

Það liggur t.d. alveg ljóst fyrir að meirihluti þjóðarinnar er á móti þessu ESB brölti. Þjóðin hefur engan áhuga á inngöngu í ESB. Hvers vegna er þá haldið áfram í aðlögunarferli að ESB? Hvers vegna láta þingmenn Vinstri grænna þetta ganga áfram?

Auðvitað á þjóðin að fá að segja sitt álit í atkvæðagreiðslu um það hvort halda eigi áfram ferlinu í ESB. Auðvitað er það vitað að Samfylkingin hlustar ekki á vilja þjóðarinnar,en Vinstri grænir eru þeir sem mestu ábyrðina bera á ESB ferlinu. Það er á þeirra hendi að stoppa vitleysuna.

Mikill meirihluti andvígur aðild að ESB

Athugasemdir

[Ásthildur Cesil Þórðardóttir, 16.10.2012 kl. 00:09]

Það er málið Sigurður, af hverju í ósköpunum halda þau þessu áfram, og tala eins og það sé okkur i hag að apparatið sé velviljað í okkar garð.  Hlægilegt, þeir hafa engan svona velvilja, þeir hafa grímulausa græðgi í sinni ferðakörfu og ekkert annað.  Þess vegna fyrirlít ég Össur af mínum innstu hjartans rótum.