Meirihluti númer þrjú í Garðinum?

Enn einu sinni er Garðurinn í fréttum fjölmiðla. Allt stefnir í þriðja meirihlutann á kjörtímabilinu. Sjálfstæðismenn eru þar með á ný að komast í meirihluta í samstarfi við fulltrúa L-listans. Segja má að það sé eðlilegt að Sjálfstæðismenn séu við völd,þar sem þeir hlutu afgerandi stuðning í síðustu kosningu, L-listinn fékk einnig ágæta kosningu. Aftur á móti fékk N-listi Oddnýjar og félaga skell í síðustu kosningum,það er því alveg á hreinu að kjósendur höfnuðu þeim.
Nú reynir á D og L lista að skapa góðan og sterkan meirihluta sem getur unnið saman út kjörtímabilið. Það skiptir einnig miklu máli að Magnús Stefánsson núverandi bæjarstjóri verði áfram í sinni stöðu. Magnús er topp embættismaður og almenn ánægja er með hans störf.Mikill meirihluti Garðmanna gerir þá kröfu að ófremdarástandi í bæjarmálunum ljúki nú og að festa skapist við stjórn bæjarins. Garðurinn er gott sveitarfélag og á alla möguleika á að blómstra í framtíðinni.

 

Staðfestir að viðræður séu í gangi

Athugasemdir

[Kolfinna S.Magnússdóttir (IP-tala skráð) 25.11.2012 kl. 22:32]

Hélt að það væri nóg komið af svona hugsunarhætti Sigurður hvaða "ófremdarástand" ert þú að tala um?

[Eva Rut Vilhjálmsdóttir (IP-tala skráð) 27.11.2012 kl. 22:37]

Sæll Siggi - Sumir eru fjölmiðlasjúkari en aðrir það er bara þannig, það er ótrúlegt hvað Garðurinn hefur mátt þola af mjög þröngum hópi einstaklings ;/. Hér er meirihlutanum haldið í gislingu og öllum stillt upp við vegg. Þetta er dapurt og eina vitið er að Davíð fari að starfa með D listanum til að ná breiðustu sáttinni útá við. Meirihlutinn hefur aldrei verið veikari en nú og þetta mun ekki ganga og við höfum ekki efni á þessu rugli. Við þurfum að klára þau verkefni sem eru brýnust fyrir samfélagið okkar þ.e t.d atvinnuástandið hér á bæ, Garðvangur, bankinn, hvað næst ? Þetta þolir enga bið og dramaköst við þurfum að klára brýn verkefni og eina vitið væri að Davíð starfaði með D listanum og það veit hann sjálfur. Bestu kveðjur til þín Sigurður J. ég öfunda þig ekki sem blaðamann að flytja fréttir héðan, hvar áttu að byrja ??