Hreinn fáránleikans

Jæja,þá er loksins komin niðurstaða í hið umfangsmikla Baugsmál. Hæstiréttur hefur kveðið upp sinn dóm. Forsvarsmenn Baugs reyndust sekir um brot á bóhaldslögum. Það er furðulegt en þó kannski vel skiljanlegt að hlusta á lögfræðinga Baugsveldisins reyna að gera lítið úr þessu. Það er reynt að koma því inn að ákæruvaldið með pólitískan bakgrunn og stuðning hafi verið að ofsækja Baug. Það er reynt í sífellu að halda þessu fram,þrátt fyrir að það hafi margt oft komið fram að ákæruvaldið og dómsstólar starfi alveg sjálfstætt. Ætli samráðherra Ingibjargar Sólrúnar í Sjálfstæðisflokknum séu ánægðir með að Ingibjörg vill nú ekkert segja. Það var hún sém hélt því manna mest á lofti að allt þetta mál væri runnið undan forystu Sjálfstæðisflokksins. Ætli hún túi ekki Geir forsætisráðherra segir að stjórnmálamenn hafi á engan hátt komið að ákvörðun um rannsókn eða reynt að hafa áhrif á meðferð málsins á neinu stigi þess. Fróðlegt að vita svar Ingibjargar væri hún spurð beint að þessu.Auðvitað viðurkenna allir að á sínum tíma þegar Hagkaup og Bónus komu inn á markaðinn varð það til þess að hafa veruleg áhrif á verðlag til lækkunar. Nú efast maður reyndar um verðlagið þegar Baugskeðjan ræður stærsta hlutanum á markaðnum. En það er nú önnur saga.

Ég verð að segja að mér finnst málflutningur Hreins Loftssonar stjórnarformanns slá öll met. Niðurstaða hans er eftir að hafa heyrt dóminn að Björn Bjarnason,dómsmálaráðherra eigi að segja af sér. Er þetta nú ekki hámark fáránleikans. Forsvarsmenn Baugs eru fundnir sekir og hljóta dóm og þá gerir stjórnarformaðurinn Hreinn kröfu um að dómsmálaráðherrann segi af sér.