HORFUM TIL FRAMTÍÐAR. HUGSUM STÓRT.

Allt stefnir í að meistaraflokkur ÍBV leiki í efstu deild á næsta ári. Allt stuðningsfólk ÍBV fagnar þessu,því Eyjamenn eiga hvergi heima nema meðal þeirra bestu.Til hamingju Heimir þjálfari og allir í liðinu,til hamingju með glæsilegan árangur.

Nú heyrir maður og sér að KSÍ gerir auknar kröfur til áhorfendastúku og eflaust einhver fleiri atriða eigi liðið að fá að leika heimaleiki sína á Hásteinsvelli.

Að mörgu leyti finnst mér skiljanlegt aðm Eyjamönnum finnist óþarfi að vera að setja fjármuni í þennan aðbúnað,völlurinn sé glæsilegur og það ætti bara að vera nóg. Jú,ósköp var nú þægilegt að sitja norðan megin í grasinu með sitt teppi og horfa á leikina. Ekki fannst manni neitt að þessu.

En tímarnir breytast og kröfurnar aukast. Þetta sér maður á öllum sviðum. Það er gífurlega mikið atriði fyrir sveitarfélag að eiga afreksmenn eins og meistaradieldarlið ÍBV. Þar skapast fyrirmyndin hjá unga fólkinu. Það sýndi sig best núna á dögunum hvers konar vítamínsprauta árangur íslenska handboltaliðsins er fyrir allt íþróttalíf í landinu.

Knattspyrnulið í efstu deild eflir samstöðu og samhug Eyjamanna,ekki bara í Eyjum heldur um allt land.

Mér finnst að það verði að horfa til framtíðar,ekki bara næstu tveggja eða þriggja ára.Eyjamenn eiga að horfa til framtíðar.Horfa á  til næstu 20 eða 30 ára.Framundan er bylting í samgöngumálum,sem getur orðið mikil lyftistöng fyrir samfélagið í Vestmannaeyjum.Það á að hugsa stórt. Bæjarsjóður er nú í allt annarri stöðu heldur en áður. Í mínum huga er það ekki nokkur spurning að það á að gera alla umgjörð um Hásteinsvöllinn sem glæsilegasta þ.m.t. yfirbyggðri stúku. Stefnan hlýtur að vera tekin á að meistaradeild karla í ÍBV leiki sem lengst í efstu deild. Það eru líka til fleiri lið í Eyjum en karlaliðið. Kvennaboltinn á örugglega eftir að eflast ásamt yngri flokkunum.

Eyjamenn,horfið vel til framtíðar og hugsið stórt. Notið tækifærin sem blasa við.

KSÍ: „Alrangt að byggja þurfi 700 manna stúku"

Athugasemdir

[Sigþóra Guðmundsdóttir, 29.8.2008 kl. 18:11]

Sæll Siggi!

Framtíðin hlýtur að felast í betri aðstöðu til iðkunar, sbr. knattspyrnuhús, þó það mætti vera stærra eða í það minnsta stækkanlegt, fyrir minn smekk!

Ég get alveg horft á knattspyrnu í rigningu, blotnað smá, (það fylgir því að vera úti í rigningu) þessa 20+ leiki á ári, í karla og kvenna (vona samt að það eigi ekki eftir að rigna á öllum þeirra). Ég hugsa meira að segja að ég þoli það að blotna næstu árin, jafnvel út mína ævi!

Jú, það er rétt, bæjarfélagið er aðeins betur í stakk búið núna, fjárhagslega séð, en það breytir því ekki að önnur þjónusta er mikilvægari... og hana virðist eiga að skera niður á næstunni, miðað við það sem maður sér og heyrir. Ekki býð ég í enn lægra þjónustustig á kostnað yfirbyggðar stúku!

kv. Sigþóra, gamall nemandi!

[Sigurður Jónsson, 30.8.2008 kl. 00:35]

Sæl Sigþóra.

Gaman að heyra frá þér. Eins og ég skrifaði fannst mér ekkert að því að sitja á teppi undir berum himni og horfa á leikina.En tímarnir breytast og alls konar kröfur eru gerðar í dag sem ekki þurfti að uppfylla áður. Nú sjáuum við fram á nýja tíma í samgöngumálum til Eyja. Það verður þá ekki mikið mál fyrir fólk á fastalandinu að skjótast og horfa á leiki á Hásteinsvellinum.

Auðvitað á að leggja áherslu á flotta aðstöðu til íþróttaiðkunar,en ég held að bæjarsjóður hafi nú góða möguleika á að bæta aðstöðuna á öllum sviðum. Hugsið stórt í þessum málum og horfið svolítið fram í tímann ekki bara til næstu tveggja eða þriggja ára.

Bestu kveðjur til Eyja.