"SKEMMTILEGT SJÓNVARPSEFNI."

Það fór þá aldrei svo að okkur yrði ekki tryggð góð vetrardagskrá í sjónvarpinu. Mikill munur verður það fyrir okkur að geta fylgst með þessum fundum beint í sjónvarpinu. Það hljóta margar sýningarnar að verða settar upp í vetur.Steingrímur J. og Ögmundur munu örugglega tryggja sér aðalhlutverkin og fara með sínar rullur í klukkutímum talið án þess að maður geti brugðið sér frá,því ekkert verður hléið.

Guðni Framsóknarformaður mun svo örugglega fara með hringferðarræður sínar með tilþrifum á fundum fastanefnda sem hann situr í.

Ekki trúi ég öðru en Kristinn H. Gunnarsson muni sækja hart að því að geta leikið aðalhlutverkið í beinni útsendingu.

Svo verða auðvita minni spámenn meðal þingmanna eins og Bjarni Harðar, sem reyna að stela senunni.

En við þurfum ekki að kvíða leiðinlegum sjónvarpsefni í vetur. Alveg er ég sannfærður að þjóðin öll er fagnandi´í dag eftir þessar stórkostlegu fréttir. Virðing Alþingis og áhorf sjónvarpsins á eftir að aukast mikið. Eða hvað?

Hægt að fylgjast með fundum fastanefnda