GOTT HJÁ ÞÓRUNNI UMHVERFISRÁÐHERRA

Umhverfisstofnunhefur nú gefið út starfsleyfi fyrir álverið í Helguvík. Þetta er gott hjá stofnun sem fellur undir stjórn Umhverfisráðherra. Eins og ég og margir fleiri hafa bent á er það eðlilegast að heimamenn sjálfir hafi mest um það að segja hvers konar atvinnuupbbygging verði á þeirra svæði.

Álver í Helguvík verður gífurleg lyftisstöng fyrir alla uppbyggingu á Suðurnesjum og einnig verður þetta góð innspýting í efnahagslíf þjóðarinnar allrar. Ekki veitir af.

Skipulagsmálin eiga áfram að vera á höndum sveitarfélaganna.Það er ekki af hinu góða ef það á að færa ákveðna skipulagsþætti til ríkisins.

Það er annars mjög gott að Samfylkingin hefur nú náð áttum í þeim efnum að sveitarfélögin ráða skkipulagsmálum og atvinnuuppbyggingu eins og að fá álver. Tal Samfylkingarinnar um stóriðjustopp stóðst ekki. Samfylkingin hlýtur að hafa vitað að hún gat ekki lofað stóriðjustoppi í landinu, en eflaust hafa þau náð í nokkur atkvæði út á það. Það er því ánægjulegt að Samfylkingin viðurkennir nú sín mistök.

Það er gott hjá Þórunni umhjverfisráðherra að samþykkja nú starfsleyfi fyrir álverið í Helguvík.

Auðvitað sér hún eins og aðrir að það er ógerlegt að standa gegn vilja heimamanna til að efla atvinnulífið og uppbyggingu. Þessu ber að fagna.

Athugasemdir

[Gestur Guðjónsson, 15.9.2008 kl. 13:50]

Hægt er að kæra útgáfuna og þá mun Þórunn úrskurða.

Er ekki rétt að bíða með hrósið um stund?

[Sigurður Jónsson, 15.9.2008 kl. 16:23]

Ekki trúi ég öðru en úrskurður Umhverfisstofnunar fái samþykki síns ráðherra.

Það er nú ekki svo oft sem maður getur hrósað Samfylkingunni að ég mátti til með það.